- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کا پاکستان کو 179 رنز کا ہدف
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
اسرائیلی فوجی کو تھپڑ مارنے والی عہد تمیمی عدالت میں پیش
تل ابيب: چادر اور چاردیواری کا تقدس پامال کرنےپراسرائیلی فوجیوں کو تھپڑ مارنے کے الزام میں گرفتار فلسطینی لڑکی عہد تمیمی کو اسرائیل کی فوجی عدالت میں ہتھکڑیاں اور بیڑیاں لگا کر پیش کردیاگیا۔
بین الاقوامی میڈیا رپورٹس کے مطابق عہد تمیمی کو اسرائیلی فوجیوں نے کسی بڑے اور خطرناک مجرم کی طرح سخت سیکورٹی کے حصار میں عدالت میں پیش کیا تو ’قوم کا فخر‘ قرار دی جانے والی فلسطینی لڑکی کے چہرے پر طمانیت اور مسکراہٹ موجود تھی۔
کمرہ عدالت میں ملکی و غیر ملکی میڈیا نمائندوں کی بھرمار تھی جو مقدمے کی کوریج کے لیے موجود تھے جب کہ کئی ممالک کے سفارت کار،اہل ِ خانہ اور متعلقہ افراد آزادی کا استعارہ بننے والی عہد تمیمی سے اظہار یکجہتی کے لیے آئے تھے۔
قیدیوں کی جیکٹ میں ملبوس عہد تمیمی کمرہ عدالت میں داخل ہوئیں تو ان کے والد نے ہاتھ بلند کرکے انہیں استقامت کا مظاہرہ کرنے اور ڈٹے رہنے کی تلقین کرتے ہوئے کہا کہ ’تم ضرور کامیاب‘ ہوگی۔عہد تمیمی نے کیمرہ مینوں اور فوٹوگرافرز کی جانب مسکراتے ہوئے دیکھا اور اپنی روشن آنکھوں سے آزادی کی شمع کو مشکلات کے باوجود جلائے رکھنے کا پیغام دیا۔
عہد تمیمی کی خاتون وکیل گبےلیسکے نے کھلی عدالت میں سماعت کرنے کی استدعا کی جسے عدالت نے مسترد کرتے ہوئے بند کمرہ کارروائی کرنے کے احکامات جاری کیے جس کے بعد تمام صحافیوں،سفارت کاروں اور اہل خانہ کو باہر نکال دیا گیا تاہم تمیمی کے خاندان میں سے کسی ایک شخص کو عدالت میں بیٹھنے کی اجازت دی گئی۔
Military trial opens for Palestinian teenager over viral 'slap video' #AhedTamimi pic.twitter.com/NYYgsnJS6O
— AFP news agency (@AFP) February 13, 2018
بند کمرہ عدالتی کارروائی پر اعتراض کرتے ہوئے عہد تمیمی کی وکیل نے کہا کہ سابقہ سماعتوں کی طرح اس بار بھی کھلی عدالت میں کارروائی کو آگے بڑھایا جائے تاہم جج نے تمام تردلائل کو نظرانداز کرتے ہوئے تمام دروازے بند کرنے کے احکامات دیے۔
تمیمی کے وکیل نے عدالت کے سامنے قانونی نقطہ اٹھاتے ہوئے زور دیا کہ مقدمے میں مزید آگے نہیں بڑھایا جاسکتا کیونکہ اسرائیل ایک مقبوضہ علاقہ ہے اوراس کا عدالتی نظام غیر قانونی ہے جب کہ وکیلِ استغاثہ نے جواب کی تیاری کے لیے مہلت مانگی جسے عدالت نے منظور کرتے ہوئے سماعت 11 مارچ تک کے لیے ملتوی کردی۔
صیہونی ملٹری پراسیکیوٹر نے عہد تمیمی کو اسرائیلی فوجیوں کو تھپڑ مارنے،کارسرکار میں مداخلت کرنے،مزاحمتی سرگرمیوں میں حصہ لینے سمیت 12 الزامات عائد کیے ہیں اور یہ الزامات ثابت ہونے پر تمیمی کو کئی سال قید کا سامنا کرنا پڑ سکتا ہے۔
یہ خبر بھی پڑھیں: ایمنسٹی کا تمیمی کو فوری رہا کرنے کا مطالبہ
اقوام متحدہ کے انسانی حقوق کمیشن کے سربراہ نے عہد تمیمی کے خلاف مقدمے پر اسرائیلی حکام کو شدید تنقید کا نشانہ بنایا ہے جب کہ یورپی یونین پہلے ہی کم عمر لڑکی کی گرفتاری پر اپنے خدشات کا اظہار کرچکی ہے۔
انسانی حقوق کی عالمی تنظیم ایمنسٹی انٹرنیشنل نے عہد تمیمی کی فوری رہائی کا مطالبہ کرتے ہوئے مقدمہ ختم کرنے کی اپیل کرچکی ہے۔
واضح رہے کہ 15دسمبر 2017 کو مغربی کنارے کے شہر راملہ کے علاقے نبی صالح میں زبردستی گھر میں گھسنے والے اسرائیلی فوجیوں کو عہد تمیمی نے چادر اور چاردیواری کا تقدس پامال کرنے پر تھپڑ رسید کیے تھے اور واقعے کی ویڈیو سوشل میڈیا پر وائرل ہونے کے بعد غاصب فوج نے کارروائی کرتے ہوئے عہد تمیمی اور ان کے خاندان کے افراد کو گرفتارکرلیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔