اسحاق ڈار کی جائیداد ضبطگی کے خلاف درخواست مسترد

اسحاق ڈار کے اثاثے منجمد ہی رہیں گے، احتساب عدالت کا حکم

ویب ڈیسک بدھ 14 فروری 2018

اسحاق ڈار نے جائیداد کی ضبطگی سے متعلق فیصلے کو چیلنج کیا تھا، فوٹوفائل

اسلام آباد: احتساب عدالت نے سابق وزیر خزانہ اسحاق ڈار کی جائیداد ضبطگی کے خلاف دائر درخواست مسترد کردی۔

ایکسپریس نیوز کے مطابق احتساب عدالت نے سابق وزیر خزانہ اسحاق ڈار کی جائیداد ضبطگی سے متعلق درخواست کی سماعت کی۔ سماعت کے دوران احتساب عدالت کے جج محمد بشیر نے اسحاق ڈار کی اعتراضات پر مبنی درخواست مسترد کرتے ہوئے انہیں جائیداد کی فروخت سے روک دیا۔ عدالت نے فیصلہ سناتے ہوئے کہا کہ نیب نے جائیداد پر قبضہ نہیں کیا، اثاثے منجمد ہی رہیں گے۔

اس خبرکوبھی پڑھیں: اسحاق ڈارکے ضامن کی جائیداد قرق کرنے کا حکم

واضح رہے کہ اسحاق ڈار نے جائیداد کی ضبطگی سے متعلق عدالتی فیصلے کو چیلنج کرتے ہوئے درخواست دائر کی تھی، احتساب عدالت نے اسحاق ڈار کی درخواست پر 7 فروری کو دلائل مکمل ہونے پر فیصلہ محفوظ کیاتھا۔