- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کا پاکستان کو 179 رنز کا ہدف
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
اسلامی طویل مدتی فنانسنگ سہولت متعارف
کراچی: برآمدکنندگان کی طویل عرصے سے موجود طلب کو پورا کرنے کے لیے روایتی طویل مدت فنانسنگ سہولت (ایل ٹی ایف ایف) کا شریعت سے ہم آہنگ متبادل فراہم کرنے کی خاطر بینک دولت پاکستان نے مضاربہ کی بنیاد پر اسلامی طویل مدت فنانسنگ سہولت (آئی ایل ٹی ایف ایف) متعارف کرادی ہے۔
اسٹیٹ بینک 2008 سے برآمدکنندگان کو درآمدی اور مقامی طور پر تیار کردہ پلانٹ اور مشینری کے لیے رعایتی فنانسنگ کے حصول کا موقع مہیا کرنے کے لیے کمرشل بینکوں اور ترقیاتی مالی اداروں کے ذریعے پلانٹ اور مشینری کی طویل مدت ری فنانس سہولت فراہم کررہا ہے تاہم اس کا کوئی شریعت سے ہم آہنگ متبادل موجود نہ تھا اس لیے یہ سہولت اسلامی بینکاری اداروں کے ذریعے حاصل نہیں کی جاسکتی تھی۔
آئی ایل ٹی ٹی ایف سے برآمد کنندگان کو اہل اسلامی بینکاری اداروں سے درآمد شدہ اور مقامی طور پر تیار کردہ نئے پلانٹ اور مشینری کی خریداری کے لیے اسٹیٹ بینک کی طویل مدت ری فنانس سہولت حاصل کرنے کا موقع ملے گا، یہ سہولت ان برآمدی منصوبوں کے لیے دستیاب ہوگی جن کی سالانہ برآمد کم از کم 50 لاکھ ڈالر یا مجموعی فروخت کا کم از کم 50 فیصد ہو، ان میں سے جو رقم بھی کم ہو۔
آئی ایل ٹی ٹی ایف کے تحت فنانسنگ کی مدت 10سال سے زیادہ نہ ہوگی جس میں زیادہ سے زیادہ 2سال کی رعایتی مدت بھی شامل ہے جبکہ اس سہولت کی فنانسنگ کے حصول کی زیادہ سے زیادہ حد 1.5 ارب روپے ہوگی۔
شریک اسلامی بینکاری ادارے اس سہولت کی منظوری دینے سے قبل اپنی فنانسنگ پالیسی کے مطابق ضروری جانچ پڑتال کریں گے اور یہ تمام عمل ہر قسم کے کسٹمر کے لیے اسٹیٹ بینک کی مقرر کردہ پروڈنشل ریگولیشنز سے مشروط ہو گا، اسلامی بینکاری ادارے اسٹیٹ بینک کے متعلقہ ڈپارٹمنٹ کو درخواست دے کر اسکیم میں شریک ہوسکتے ہیں۔
اسکیم کے تحت روایتی بینکوں کی اسلامی بینکاری برانچیں بھی حد مختص کرنے کے لیے اسٹیٹ بینک کو درخواست دے سکتی ہیں بشرطیکہ یہ حد آئی ایل ٹی ایف ایف کے تحت استعمال کے لیے ایل ٹی ایف ایف کی حد کے 20 فیصد سے زیادہ نہ ہو۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔