ایم کیو ایم کے رہنما سلمان مجاہد بلوچ کے خلاف ایک اور مقدمہ درج

ویب ڈیسک  جمعرات 15 فروری 2018
علینہ کی مدعیت میں درج مقدمے میں تشدد، حبس بے جا میں رکھنے سمیت مختلف الزامات لگائے گئے ہیں۔ فوٹو:فائل

علینہ کی مدعیت میں درج مقدمے میں تشدد، حبس بے جا میں رکھنے سمیت مختلف الزامات لگائے گئے ہیں۔ فوٹو:فائل

 کراچی: متحدہ قومی موومنٹ (ایم کیو ایم) کے رکن قومی اسمبلی سلمان مجاہد بلوچ کے خلاف ایک اور مقدمہ درج کرلیا گیا۔

ایم کیو ایم کے رکن قومی اسمبلی سلمان مجاہد بلوچ کے خلاف تیموریہ تھانے میں ایف آئی آر درج کرلی گئی۔ مدعی علینہ کی مدعیت میں مقدمہ درج کیا گیا ہے جس میں تشدد، حبس بے جا میں رکھنے سمیت مختلف دفعات شامل کی گئی ہیں۔

یہ بھی پڑھیں؛ ایم کیوایم کے رکن اسمبلی سلمان مجاہد بلوچ پر خاتون سے زیادتی کا الزام

علینہ نے دو روز قبل بھی سلمان مجاہد بلوچ پر جنسی زیادتی سمیت دیگر الزامات میں گلشن اقبال تھانے میں مقدمہ درج کرایا تھا، جب کہ دو روز قبل پی ٹی آئی کے کارکن کو اسلحہ دکھانے اور ڈرانے دھمکانے پر بھی ایم کیو ایم رہنما کے خلاف گزری تھانے میں ایف آئی آر درج کی گئی تھی۔ ایم کیو ایم کے رہنما سلمان مجاہد بلوچ کے خلاف تین روز میں درج مقدمات کی تعداد 3 ہوگئی ہے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔