- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
ملتان ٹائیگرز گیلی پچ پر پھسل کر ایونٹ سے باہر
لاہور: ملتان ٹائیگرز گیلی پچ پر پھسل کر قومی ٹوئنٹی 20 سپر 8ٹورنامنٹ سے باہر ہوئے، شکست خوردہ ٹیم نے منتظمین پر سیالکوٹ اسٹالینز کیلیے فتح کی راہ ہموار کرنے کا الزام دھر دیا۔
تفصیلات کے مطابق دفاعی چیمپئن سیالکوٹ اسٹالینز کو سیمی فائنل میں رسائی کیلیے گذشتہ روز لازمی فتح درکار تھی، دوسری طرف ملتان ٹائیگرز بھی ایسی ہی صورتحال سے دوچار تھے، ایک ایک میچ جیتنے والی دونوں ٹیموں کے باہمی مقابلے میں اچانک پچ تبدیل کرنے کا حیران کن فیصلہ کردیاگیا، میچ کیلیے ٹیلی ویژن کیمرے کسی اور ٹرف پر سیٹ کیے جاچکے تھے جن کا رخ بدلنا پڑا۔
یاد رہے کہ حالیہ ایونٹ کے دوران صرف ایک میچ میں بہاولپور اسٹیگز نے راولپنڈی ریمز کے خلاف ٹاس جیت کر فیلڈنگ کا فیصلہ کیا دیگر تمام ٹیموں نے پہلے بیٹنگ کو ترجیح دی، مگر گذشتہ روز سیالکوٹ اسٹالینز کے کپتان شعیب ملک نے سکہ اچھالنے کے بعد رخ اپنے حق میں پلٹتے ہی پہلے بولنگ کا اعلان کردیا، توقعات کے عین مطابق گیلی پچ پر ٹائیگرز پھسلتے اور وکٹیں گنواتے رہے، رہی سہی کسر رن آئوٹس نے پوری کردی، ایک مرحلے پر 4 اوورز میں 5کھلاڑی 14کے مجموعی اسکور پر پویلین واپس جاچکے تھے۔
47 پر ڈھیر ہونے والی ٹیم 9 وکٹ کی مات سے دوچار ہوکر گھر واپسی کی راہ اختیار کرنے پر مجبور ہوئی، کھلاڑی شکست کے بعد پچ ڈرامے پر دبے لفظوں میں احتجاج کرتے اسٹیڈیم سے روانہ ہوئے۔ذرائع کے مطابق اچانک تبدیلی کے بعد منتخب کی جانے والی نئی پچ کو رات 12بجے پانی دیا گیا تھا، صبح ہلکی بارش کے سبب ٹرف کو ڈھانپ کر رکھنا پڑا جس کے سبب دھوپ اور ہوا نہ لگ سکی، میچ کے دوران امپائرز بھی کہتے رہے کہ پچ پر کم از کم 3گھنٹے رولر چلانے کے بعد ہی میچ کھیلنا مناسب ہوتا۔
ذرائع کے مطابق ملتان ٹائیگرز کی فریاد تو کسی نے نہ سنی، تاہم جی ایم ڈومیسٹک شفیق پاپا نامراد لوٹنے والی مہمان ٹیم کے کوچنگ اسٹاف کو اپنی میچ رپورٹ میں پچ کی حالت کا ذکر نہ کرنے کا دوستانہ مشورہ دیتے ضرور نظر آئے۔کئی ٹیموں کے کھلاڑیوں کا کہنا ہے کہ سپر اسٹارز پر مشتمل ٹیمیں اور کپتان اکثر من مانی کرنے میں کامیاب ہو جاتے ہیں، دوسروں کی جرات نہیں ہوتی کہ ان کے فیصلوں کے خلاف احتجاج بھی کرسکیں، یہی سلوک چھوٹی ٹیموں کے ساتھ بھی ہوتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔