- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
شارجہ میں قیدی اہل خانہ سے ’ویڈیو چیٹ‘ کرنے لگے
شارجہ: حکام نے اہل خانہ کے سماجی مسائل اور بچوں کی نفسیات کو مدنظر رکھتے ہوئے قیدیوں سے ملاقات کے لیے ’ویڈیو چیٹ سسٹم ‘ کا آغاز کردیا ہے جس کے باعث اہل خانہ اپنے اسیر عزیزوں سے ملنے کے لیے جیل جانے کی کوفت سے بچ جائیں گے اور گھر بیٹھے ہی ویڈیو چیٹ کے ذریعے گفتگو کرسکیں گے۔
عرب میڈیا کے مطابق محکمہ سماجی بہبود شارجہ نے مختلف جرائم میں اسیر قیدیوں کے بچوں سے بالخصوص اور اہل خانہ سے بالعموم براہ راست گفتگو کرانے کے لیے ویڈیو چیٹ سہولت متعارف کرائی ہے تاکہ والدین کی شفقت سے محروم بچے احساس محرومی کا شکار نہ ہوں اور اپنی تعلیمی، سماجی اور دیگر مسائل سے متعلق براہ راست مشورہ کرسکیں، اس طرح بچوں کو اسیر والدین سے ملنے کے لیے جیل کے ناپسندیدہ ماحول کا سامنا بھی نہیں کرنا پڑے گا۔
جیل کے اصلاحی و تادیبی مرکز میں فراہم کی گئی اس ڈیجیٹل سہولت کے لیے جیل انتظامیہ کو شارجہ پولیس کی معاونت بھی حاصل تھی اور سسٹم کو شارجہ فیملی کورٹ کی خصوصی ہدایات کے تحت پایہ تکمیل تک پہنچایا گیا ہے تاکہ بچوں کو اپنے اسیر والدین سے گفتگو کے دوران حقیقت کا گمان ہو اور وہ براہ راست گھریلو ماحول میں اپنے والدین سے گفتگو کرسکیں۔
ڈائریکٹر جنرل سماجی خدمات شارجہ عفاف المیری نے میڈیا سے گفتگو کرتے ہوئے بتایا کہ متحدہ عرب امارات کی جانب سے اس ماہ کو ایجادات کے مہینے کے طور پر منایا جارہا ہے، ویڈیو چیٹ سسٹم بھی اسی سلسلے کی ایک کڑی ہے جس سے قیدی کے خاندان کو ذہنی کوفت سے نجات حاصل ہو گی اور وہ گھر بیٹھے اپنے اسیر عزیز سے طویل وقت کے لیے بلا تعطل بات چیت کرسکیں گے۔
انہوں نے مزید کہا کہ اسیر شخص کے اپنے اہل خانہ سے رابطہ کٹ جانے کے سبب خاندان کا شیرازہ بکھر جاتا ہے جب کہ اہل خانہ کو قیدی سے ملنے کے لیے جیل کے ناپسندیدہ ماحول اور طویل قانونی مراحل سے بھی گزرنا پڑتا تھا اور بالخصوص بچوں کے معصوم ذہنوں کے لیے جیل کا ماحول نامناسب تھا اس لیے ویڈیو چیٹ سسٹم کو رائج کرنے کا فیصلہ کیا ہے جس کے حوصلہ افزا نتائج سامنے آ رہے ہیں اور امید ہے کہ اس سسٹم سے خاندانی نظام کو تقویت حاصل ہو گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔