- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
بھارت؛ پنجاب نیشنل بینک غبن کیس میں ’چھوٹا مودی‘ کے ملوث ہونے کا انکشاف
ممبئی: بھارتی پنجاب کے نیشنل بینک میں 1.8 ارب ڈالر کی کرپشن کیس میں بھارتی وزیراعظم کے تاجر دوست نیرو مودی کے ملوث ہونے کا انکشاف ہوا ہے۔
تفصیلات کے مطابق ہیرے کے تاجر نیرو مودی نے نیم سرکاری ادارے پنجاب نیشنل بینک میں 1.8 بلین ڈالرز غبن کیس میں نام سامنے آنے پر بینک انتظامیہ کو رقوم کی واپسی کے لیے 6 ماہ کا وقت لینے کے لیے خط لکھ دیا ہے، خط میں تعاون کی یقین دہانی کے ساتھ استدعا کی گئی ہے کہ اس معاملے پر مکمل تحقیقات کے لیے کچھ وقت درکار ہے اس لیے تفتیشی عمل مکمل ہونے تک رقوم کی ادائیگی کے لیے وقت دیا جائے۔
قبل ازیں پولیس نے پنجاب نیشنل بینک میں غبن کیس کی تحقیقات کا دائرہ کار بڑھاتے ہوئے جمعرات کو رات گئے نیرو مودی کے کرلا ویسٹ ممبئی، کالا گھوڑا ممبئی، باندر ایسٹ ممبئی، لوئر پریل ممبئی اور سورت و دہلی کےعلاوہ نیرو مودی کے نو ٹھکانوں پر چھاپے مارے گئے جن میں ڈائمنڈ سینٹر اور ورک شاپس بھی شامل ہیں تاہم چھاپوں کے دوران کسی قسم کی گرفتاری کی اطلاعات تاحال سامنے نہیں آئی۔
خیال رہے کہ بدھ کے روز پنجاب نیشنل بینک ممبئی کی ایک برانچ میں دھوکا دہی اور غیر مجازی طریقے سے 1.8 ارب ڈالرز کی ٹرانزیکشن ہونے کا انکشاف سامنے آیا تھا، غبن شدہ رقم بینک کی سالانہ آمدن سے 8 گنا زیادہ تھی، سرکاری بینک کی تاریخ کے سب سے بڑے غبن نے ملک بھر میں کھلبلی مچا دی جس کے بعد بینک کے 10 ملازمین کو معطل کردیا گیا جب کہ ابتدائی تفتیش سے کرپشن کے تانے بانے ہیروں کے معروف تاجر نیرو مودی تک جا پہنچے تھے۔
ذرائع کے مطابق اب تک کی تفتیش سے یہ بات ثابت ہو گئی ہے کہ نیرو مودی کی کمپنی نے ڈائمنڈ امپورٹ کرنے کے لیے لیٹر آف کریڈٹ حاصل کرنے کے لیے پنجاب نیشنل بینک سے رابطہ کیا تھا جب کہ یہ بینک نیرو مودی کے لیے ہیروں کے سپلائرز کو بھی ادائیگی کرتا تھا اور بعد ازاں یہ رقوم نیرو مودی سے وصول کیے جاتے تھے۔ تفتیش سے یہ بھی ثابت ہوا کہ پی این بی کے اعلیٰ حکام نے نیرو مودی کی کمپنی کو جعلی لیٹر آف انڈر ٹیکنگ جاری کیے۔
دوسری جانب اپوزیشن جماعت کانگریس کے رہنما راہول گاندھی نے نیرو مودی کی وزیراعظم نریندر مودی سے دوستی کا انکشاف کرتے ہوئے نیرو مودی کو چھوٹا مودی قرار دیا جس پر لوک سبھا میں بھارتیہ جنتا پارٹی کے اراکین نے شدید احتجاج کرتے ہوئے اپوزیشن جماعت پر غبن کے معاملے کو سیاسی رنگ دینے کا الزام لگایا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔