- جب سے چیف جسٹس بنا کسی ہائیکورٹ کے جج نے مداخلت کی شکایت نہیں کی، چیف جسٹس
- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
ستاروں سے سجی فرنچائز ملتان سلطانز رنگ جمانے کو تیار
کراچی: پاکستان سپر لیگ کے تیسرے ایڈیشن میں نئی فرنچائز ملتان سلطانز رنگ جمانے کو تیار ہے۔
پی ایس ایل کی نئی فرنچائز ملتان سلطانز کی ملکیت شون گروپ کے پاس ہے، منیجر ندیم خان، ڈائریکٹر اور بولنگ کوچ وسیم اکرم، ہیڈ کوچ ٹام موڈی، معاون کوچ جوآن بوتھا، بیٹنگ کوچ محمد وسیم، فزیو اینڈریو لیپس، اسٹرینتھ اینڈ کنڈیشننگ کوچ یاسر ملک کا ساتھ میسر ہے، کرکٹ آپریشنز جی ایم کی ذمے داری حیدراظہرکوسونپی گئی ہے۔
رواں سیزن کیلیے شعیب ملک کو ٹیم کی باگ ڈور سونپی گئی ہے، دلکش انداز سے بیٹنگ کرنے والے احمد شہزاد کوئٹہ گلیڈی ایٹرز کو چھوڑ کر نئی فرنچائز کا حصہ بنے ہیں، ملتان کے اسٹار صہیب مقصود بھی ایکشن میں دکھائی دیں گے، ویسٹ انڈین اسٹارز ڈیرن براوو اورکیرون پولارڈ کے ہمراہ سری لنکا کے تھیسارا پریرا اور انگلش کرکٹر روز وائٹلی بھی اپنی صلاحیتوں کا اظہار کرنے کیلیے بے تاب ہوں گے۔
تجربہ کار سری لنکن وکٹ کیپر بیٹسمین کمار سنگاکارا، نکولس پوران، جنوبی افریقہ کی نمائندگی کرنے والے پاکستانی اسپنر عمران طاہر بھی ملتان کی شرٹ زیب تن کریں گے، دیگر دو غیرملکی پلیئرز میں ہرڈس ویلجون اور افغانستان کے ظاہرخان کوبھی منتخب کیاگیا ہے۔
ملتان سلطانز کے قیام کا اعلان گزشتہ برس کیاگیا، ہوم گراؤنڈ ملتان کرکٹ اسٹیڈیم میں شائقین کی گنجائش 35 ہزار ہے، دوسرے ایڈیشن کے مکمل ہوتے ہی چیئرمین پی ایس ایل نجم سیٹھی نے اعلان کردیا تھا کہ 2018 میں شیڈول تیسرے ایڈیشن میں پانچ کی بجائے 6 ٹیمیں میدان میں اتریں گی، جس کے بعد یکم جون 2017 کو پانچ ریجنز میں سے ملتان کے نام سے فرنچائز بنانے کے حقوق شون گروپ نے حاصل کرلیے۔
فرنچائز کیلیے سالانہ بڈ5.2 ملین امریکی ڈالر طے ہوئی ہے، جس کے بعد ملتان سلطانز نے پی ایس ایل کی مہنگی ترین ٹیم کا اعزاز کراچی کنگز سے چھین لیا اور اب ملتان سطانز کو ایونٹ کی مہنگی ترین سائیڈ بن جانے کا اعزاز حاصل ہے۔
فرنچائز کا قیام عمل میں آنے کے بعد یکم اگست 2017 کو وسیم اکرم نے اسلام آباد یونائیٹڈ کو چھوڑ کر ملتان سلطانز میں شمولیت اختیار کرلی، وسیم کو یہاں پر ڈائریکٹر آف کرکٹ آپریشنز کا عہدہ ملا، ابتدا میں یہ بھی قیاس کیا جارہا تھا کہ وسیم اکرم کے بعد وقاریونس بھی ملتان سلطانز کی انتظامیہ کا حصہ بن سکتے ہیں، تاہم انھوں نے ملتان کی بجائے اسلام آباد یونائیٹڈ میں وسیم اکرم کی خالی ہونے والی پوزیشن کو 14 ستمبر2017 کو سنبھال لیا۔
نئی فرنچائز کے لوگو اور کٹ کی رونمائی کی تقریب 22ستمبر کو منعقد کی گئی، جس میں ٹیم کے مالک اشعر شون نے کہا کہ ہمارے لیے ملتان سلطانز کی پذیرائی ہوتے دیکھنا خوش کن ہے، ہمیں فخر ہے کہ ہم نے درست ٹیم کا چناؤ کیا ہے، ٹیم کا ترانہ گلوکار وقار احسن نے گایا ہے اور اس کے بول ’’ ہم ہیں ملتان کے سلطانز‘‘ ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔