- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
عمران خان کی تیسری شادی سوشل میڈیا پر ٹاپ ٹرینڈ بن گئی
کراچی: پاکستان تحریک انصاف کے چیئرمین عمران خان کی تیسری شادی ٹوئٹر پر ٹاپ ٹرینڈ بن گئی ہے اور ہر طرف سے انہیں مبارکباد کے پیغامات سلسلہ جاری ہے۔
چیئرمین پی ٹی آئی عمران خان گزشتہ روز بشریٰ مانیکا کے ساتھ شادی کے بندھن میں بندھ گئے۔ دونوں کے نکاح کی تقریب لاہور میں بشریٰ مانیکا کے بھائی کے گھر نہایت سادگی سے منعقد کی گئی جب کہ ولیمے کی تقریب چند روز بعد عمران خان کی رہائش گاہ بنی گالہ میں منعقد کی جائے گی۔ عمران خان کی شادی گزشتہ رات سے ٹویٹر پر ٹاپ ٹرینڈ بنی ہوئی ہے۔ پی ٹی آئی رہنما، سیاستدانوں اور عمران خان کے چاہنے والوں کی جانب سے شادی کی مبارکباد کا سلسلہ جاری ہے، جب کہ کچھ لوگ عمران خان کو تیسری شادی کرنے پر تنقید کا نشانہ بنارہے ہیں۔
اس خبرکوبھی پڑھیں: عمران خان نے تیسری شادی کرلی
پی ٹی آئی رہنما جہانگیر ترین نے ٹویٹر پر عمران خان کو شادی کی مبارکباد دیتے ہوئے کہا ’’خان صاب شادی بہت مبارک ہو، خدا سے دعا ہے کہ آپ اور آپ کی اہلیہ ہمیشہ خوش و خرم رہیں۔‘‘
https://twitter.com/JahangirKTareen/status/965285884835844098
نامور اداکاراور پی ٹی آئی کے سپورٹر حمزہ علی عباسی نے عمران خان کو مبارکباد دیتے ہوئے کہا دونوں کے نکاح کی تقریب سادگی سے منعقد کی گئی، خدا دونوں کو ہمیشہ خوش رکھے، ولیمہ جلد ہوگا انشااللہ۔
معروف سیاستدان اور پی ٹی آئی رہنما شیریں مزاری نے بھی عمران خان کو مبارکباد دینے کے لیے ٹویٹر کا سہارا لیا ، انہوں نے لکھا عمران خان آپ کو بشریٰ مانیکا کے ساتھ نکاح بہت مبارک ہو۔
اس خبرکوبھی پڑھیں: عمران خان کے ولیمے کی تیاریاں
پی ٹی آئی کے سیکریٹری اطلاعات شفقت محمود نے بھی عمران خان کو شادی کی مبارکباد دیتے ہوئے نوبیاہتا جوڑے کو شادی کی مبارکباد دیتے ہوئے نیک تمناؤں کا اظہار کیا۔
پی ٹی آئی رہنماعمر ڈار نے کپتان کو شادی کی مبارکباد دیتے ہوئے کہا اللہ تعالیٰ سے دعا ہے کہ ہمارے کپتان کی زندگی میں بے شمار خوشیاں اورآسانیاں پیدا ہوں۔
ایک صارف نے ٹویٹر پر عمران خان کی شادی پر دلچسپ تبصرہ کرتے ہوئے کہا، عمران خان 70 سال کے قریب ہیں اس کے باوجود انہوں نے ہیٹ ٹرک کرلی۔
https://twitter.com/aqibmughal89/status/965293798724169729
سابق کھلاڑی شعیب اختر نے بھی عمران خان کو شادی کی مبارکباد دی۔
جب کہ کچھ لوگوں نے عمران خان کی تیسری شادی پر تنقید کرنے والوں کو جواب دیتے ہوئے کہا عمران خان کی شادی ان کا نجی معاملہ ہے، وہ کس سے، کب اور کیوں شادی کرتے ہیں لہٰذا آپ لوگ اپنے کام سے کام رکھیں۔
ثریا عزیز نے تنقید کرنے والوں کو جواب دیتے ہوئے کہا، لوگوں کے ساتھ آخر مسئلہ کیا ہے؟ انہوں نے خاتون کے ساتھ نکاح کیا ہے اسے اغوا نہیں کیا یا اس کے ساتھ بھاگے نہیں ہیں۔ عمران خان وہ واحد انسان ہیں جنہیں شادی کرنے پر تنقید کا نشانہ بنایا جاتا ہے اور یہ صرف پاکستان میں ہوتا ہے۔
https://twitter.com/SorayaAziz/status/965295617726611456
ایک صارف نے لکھا عمران خان نے اپنی ازدواجی زندگی کا آغاز ہیٹ سے کیا اور اختتام حجاب پر کیا، اب آگے کیا کریں گے؟
ایک صارف نے عمران خان کے نعرے’’تبدیلی‘‘کو تنقید کا نشانہ بناتے ہوئے لکھا، تبدیلی آگئی، 70 سال تک موروثی سیاست ہوئی اب عروسی سیاست کا دور آگیا ہے۔
ایک صارف نے شاہ رخ خان کی روتی ہوئی تصویر شیئر کرتے ہوئے اپنے جذبات بیان کئے اور لکھا کہ کاش عمران خان کی جگہ میں ہوتا۔
>
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔