- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
سوشل میڈیا اسٹار پریا پرکاش نے سپریم کورٹ سے رجوع کرلیا
کیرالہ: سوشل میڈیا اسٹار پریاپرکاش واریئر کے خلاف مسلمانوں کے جذبات مجروح کرنے پر بھارتی مسلمانوں کی جانب سے شکایت درج کرائی گئی تھی تاہم اب پریا پرکاش نے اپنے خلاف درج ہوئی شکایت منسوخ کرنے کیلئے سپریم کورٹ میں اپیل دائر کردی۔
ایک ویڈیو کے ذریعے راتوں رات سپر اسٹار بننے والی بھارتی ملیالم فلم انڈسٹری کی خوبرو اداکارہ پریا پرکاش واریئر ایک عام سی اداکارہ سے بھارت کی سب سے بڑی اسٹار بن چکی ہیں ۔ تاہم جس ویڈیو نے انہیں اسٹار بنایا اب وہی ویڈیو ان کے لیے پریشانی کا سبب بنی ہوئی ہے۔ 24 سیکنڈ کی یہ ویڈیو دراصل ملیا لم فلم’’اورو آدھار لو‘‘کے گانے ’’مانیکا ملارایا پووی‘‘کی ہے جس میں پریا ساتھی اداکار روشن عبدالرؤف کے ساتھ آنکھوں ہی آنکھوں میں باتیں کرتی نظر آرہی ہیں۔
اس خبرکوبھی پڑھیں: پریاپرکاش پر مسلمانوں کے جذبات مجروح کرنے کا الزام
گانا ملیالم زبان میں بنایا گیا ہے تاہم جب اس کا ترجمہ انگریزی میں کیا گیا تو انکشاف ہوا کہ اس کی شاعری میں کچھ ایسے الفاظ استعمال کیے گئے ہیں جن سے مسلمانوں کے جذبات مجروح ہوتے ہیں لہٰذا گانا ریلیز ہونے کے فوراً بعد بھارت کے شہر حیدرآباد سے تعلق رکھنے والے مسلمانوں کے ایک گروپ نےاداکارہ پریاپرکاش، فلم کے ہدایت کار عمر عبداللہ وہاب اور پروڈیوسر جوزف والا کوزے کے خلاف شکایت درج کرائی تھی، جس میں انہوں نے موقف اختیار کرتے ہوئے کہا تھا کہ گانے کی شاعری سے مسلمانوں کو تکلیف پہنچی ہے لہٰذایا تو اس گانے پر پابندی لگائی جائے یا اس گانے کے شاعری میں استعمال ہوئے الفاظ کو تبدیل کیاجائے۔
اس خبرکوبھی پڑھیں: پریا پرکاش بغیر میک اپ کیسی نظرآتی ہیں
تاہم اب پریاپرکاش واریئرنے اپنے خلاف درج ہونے والی شکایت منسوخ کرنے کیلئے سپریم کورٹ میں اپیل دائر کردی ہے۔ میڈیار پورٹس کے مطابق درخواست میں موقف اختیار کیا گیا ہے کہ گانے میں ایسا کچھ بھی نہیں ہے جس سے مسلمانوں کے جذبات مجروح ہوں، یہ دراصل بھارتی ریاست کیرالہ کےعلاقے مالابار کا ایک لوک گیت ہے۔
یہ گیت مالابار میں گزشتہ 40 سال سے گایا جارہا ہے اور اسے 1978 میں شاعرپی ایم اے جبار نے لکھا تھا۔ یہ گانا عموماً خوشی کے موقعے پر یا شادی بیاہ کی تقریبات میں گایا جاتا ہے، ملیالم زبان سمجھنے والے افراد کو اس گانے پر کوئی اعتراض نہیں۔
اس خبرکوبھی پڑھیں: پریاپرکاش نے مقبولیت میں سنی لیون کو پیچھے چھوڑدیا
واضح رہے کہ پریا پرکاش کی ویڈیو نے انسٹاگرام پر ریلیزہوتے ہی سارے ریکارڈ توڑ دئیےتھے۔ اس ویڈیو کو صرف ایک دن میں لاکھوں لوگوں نے دیکھا جب کہ محض ایک دن میں پریا پرکاش کے انسٹاگرام فالوورز کی تعداد 6 لاکھ سے زائد ہوگئی تھی اور یہ تعداد وقت کے ساتھ بڑھتی جارہی ہے۔ اس وقت پریا کے فالوورز کی تعداد 42 لاکھ سے زائد ہوچکی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔