- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
سری لنکا کرکٹرز کو بھارت جانے سے روکنے میں بے بس
کولمبو: سری لنکا نے کرکٹرز کو بھارت جانے سے روکنے میں بے بسی ظاہر کردی، بورڈ نے صاف کہہ دیا کہ وہ کھلاڑیوں پر کوئی بھی پابندی عائد کرنے سے قاصر ہے۔
دوسری جانب بدھ بھکشوؤں نے آئی پی ایل کھیلنے والے پلیئرز کے خلاف سخت ایکشن کی دھمکی دے دی۔ تفصیلات کے مطابق سری لنکا کرکٹ بورڈ پر اپنے کھلاڑیوں کو انڈین پریمیئر لیگ کھیلنے سے روکنے کیلیے دباؤ میں مسلسل اضافہ ہونے لگا تاہم اس نے اپنی بے بسی ظاہر کردی ہے، بورڈ کے سیکریٹری نشانتھا رانا ٹنگا کا کہنا ہے کہ ہم کھلاڑیوں کو بھارت میں جاکر کھیلنے سے نہیں روک سکتے۔
یاد رہے کہ تامل ناڈو کی حکومت کی جانب سے دھمکی کے بعد آئی پی ایل نے چنئی کے میچز سے سری لنکا کے کھلاڑیوں کو باہر کردیا جس کی وجہ سے سری لنکا میں کافی غصہ پایا جاتا ہے، تاہم سری لنکا بورڈ اور حکومت کھلاڑیوں کو بھارت جاکر کھیلنے کا پروانہ جاری کرچکی ہے۔
ادھر بھکشوؤں نے کھلاڑیوں کو آئی پی ایل میں حصہ لینے سے باز رکھنے کیلیے سخت کارروائی کی دھمکی دے دی، بڈھسٹ نیشلسٹ گروپ روانا فورس نے ایک بار پھر پلیئرز سے ایونٹ کے بائیکاٹ کا مطالبہ کیا،ایک بدھ بھکشو کا کہنا ہے کہ ہم کسی بھی صورت میں اپنے کھلاڑیوں کو وہاں جانے کی اجازت نہیں دے سکتے، اگر انھوں نے آئی پی ایل کھیلی تو پھر ہم سخت ایکشن لیں گے۔ نیشنل بھکشو فیڈریشن پہلے ہی کھلاڑیوں کو بھارت کا سفر کرنے سے منع کرچکی ہے، اس کا کہنا ہے کہ تامل ناڈو کی وزیراعلیٰ جیاللیتا کی جانب سے سری لنکا کے کھلاڑیوں کے اپنی ریاست میں داخلے پر پابندی کے خلاف احتجاج کرنا چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔