ہریتھک کی پاپڑ بیچنے کی تصویر سوشل میڈیا پر وائرل

ویب ڈیسک  بدھ 21 فروری 2018
ہریتھیک کے پاپڑ بیچتے وقت  وہاں موجود کوئی بھی شخص انہیں پہچان نہیں سکا۔ فوٹو: فائل

ہریتھیک کے پاپڑ بیچتے وقت وہاں موجود کوئی بھی شخص انہیں پہچان نہیں سکا۔ فوٹو: فائل

 ممبئی: بالی ووڈ کے ایکشن ہیرو ہریتھک روشن کی پاپڑ فروخت کرنے کی تصویر سوشل میڈیا پر وائرل ہوگئی۔

بالی ووڈ میں بہت سے فنکاروں کی کامیابی کی بنیادی وجہ اُن کی محنت ہے جو وہ کرداروں کو حقیقی رنگ بھرنے کے لیے کرتے ہیں اور بعض اوقات کچھ فنکار کردار کو اپنانے کے لیے ذہنی طور پر اس حد تک ڈوب جاتے ہیں کہ بعد میں بھی وہ خود کو ویسا ہی محسوس کرتے ہیں۔اس کی ایک مثال حالیہ فلم پدماوت میں خلجی کا کردار نبھانے والے  رنویر سنگھ کی ہے اور ہریتھک نے بھی سڑکوں پر پاپڑ ایسے بیچے کہ کوئی انہیں پہچان بھی نہیں سکا۔

بھارتی میڈیا رپورٹس کے مطابق بالی ووڈ کے ایکشن ہیرو ہریتھک روشن کی انٹرنیٹ پر وائرل ہونی والی تصویر درحقیقت جے پور میں جاری اُن کی فلم ’سپر 30‘ کی شوٹنگ کا ایک سین ہے جس میں وہ پاپڑ بیچتے نظر آرہے ہیں دلچسپ بات یہ ہے کہ انہوں نے اپنے اس سین کو اس طرح شوٹ کرایا کہ وہاں موجود کوئی بھی شخص انہیں پہچان نہیں سکا۔

رپورٹس کے مطابق اپنے اس کردار کو نبھانے کے لیے ہریتھک روشن کافی محنت کر رہے ہیں جس کے لیے انہوں نے اپنا وزن بھی اس حد تک کم کرلیا کہ اپنے خوبصورت جسم کو کمزور جسم کی شکل میں تبدیل کرلیا ہے۔

واضح رہے کہ ناڈیا والا گرینڈ سن کے بینر تلے بننے والی فلم ’سپر 30‘ میں ہریتھک روشن بھارتی ریاضی دان آنند کمار کا کردار نبھا رہے ہیں جو کہ 25 جنوری 2019ء میں سنیما گھروں کی زینت بنے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔