- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
موسم کی تبدیلی؛ بجلی کی طویل بندش سے شہری پریشان
کراچی: گرمی کی پہلی لہر نے بجلی کمپنی کے الیکٹرک کی ناقص کارکردگی کا پول کھول دیا شہر میں بجلی کے نظام میں آنے والی خرابیوں اور لوڈشیڈنگ کے دورانیے میں غیراعلانیہ اضافے نے شہرکوبجلی کے بحران سے دوچار کردیا۔
تفصیلات کے مطابق رواں ہفتے کے دوران شہر میں آنے والی گرمی کی لہر کے ساتھ بجلی کی فراہمی کی صورتحال بھی بد سے بدتر ہوتی جارہی ہے،2 روز کے دوران شہر کے متعدد علاقوں میں بجلی کی بلا تعطل فراہمی کا سلسلہ ختم ہوگیا، متاثرہ علاقوں میں مسلسل کئی کئی گھنٹے بجلی کی فراہمی میں تعطل معمول بنتا جارہا ہے، پیرکی شام کے الیکٹرک کے ٹرانسمیشن سسٹم میں آنے والی خرابیوں کی وجہ سے شہر کے بڑے حصے میں بجلی کی فراہمی منقطع ہوگئی۔
جس کے نتیجے میں پی ای سی ایچ ایس، پی آئی بی کالونی، گلشن اقبال، فیڈرل بی ایریا، لیاقت آباد اور دیگر علاقوں میں رات گئے تک بجلی کا بحران جاری رہا، منگل کی صبح ایک بار پھرٹرانسمیشن لائن میں خرابی کی وجہ سے گڈاپ گرڈ اسٹیشن بند ہوگیااس سے بجلی کی فراہمی رات گئے تک مکمل طور پر منقطع تھی، شہرکے دیگر حصوں میں بجلی کی آنکھ مچولی کا سلسلہ جاری رہااس کے علاوہ متوسط اور غریب طبقے کے علاقوں میں بجلی کی لوڈشیڈنگ کے دورانیے میں بھی غیراعلانیہ طور پر اضافہ کردیا گیا، شہریوں نے وفاقی اور صوبائی حکومت سے مطالبہ کیا ہے کہ ایک ایسے وقت جب ملک بھر کو لوڈشیڈنگ فری کردیا گیا ہے۔ نجی کمپنی کی جانب سے ملک کے معاشی حب میں سارا سال جاری رہنے والی بجلی کی لوڈشیڈنگ کی روک تھام کے لیے بھی اقدامات کیے جائیں۔
واضح رہے کہ ہرسال موسم گرما میں کراچی کے شہر یوں کو مسلسل 4سے 5ماہ تک بجلی کے بدترین بحران کا سامنا کرنا پڑتا ہے، کے الیکٹرک کی جانب سے شہر کے متعدد علاقوں میں 10 سے 12 گھنٹے کی لوڈشیڈنگ کی جاتی ہے، بجلی کی تقسیم کے فرسودہ نظام کی وجہ سے بھی شہر بھر میں بجلی کی آنکھ مچولی کا سلسلہ جاری رہتا ہے، رات گئے تک بجلی کی عدم فراہمی سے شہریوں کے روز مرہ کے امور شدید متاثر رہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔