غیرقانونی گاڑیوں کیلیے ایمنسٹی سکیم میں7دن کی توسیع کافیصلہ

اسلام آ باد: فیڈرل بورڈآف ریونیو (ایف بی آر) نے نان ڈیوٹی پیڈ، غیرقانونی اور سمگل شدہ گاڑیوںکوقانونی حیثیت دینے کیلئے اعلان کردہ ایمنسٹی سکیم میں سات دن کی توسیع کرنیکا فیصلہ کیا ہے۔

ایف بی آرکے سینئر افسر نے ’’ایکسپریس‘‘کوبتایا کہ ایف بی آرنے سمری منظوری کیلئے چیئرمین کوبھجوائی تھی جس کی اصولی منظوری دیدی گئی ہے اس ضمن میں باضابطہ اعلان آج (اتوار) کیاجائیگاکیونکہ ابھی بھی بہت سی نان ڈیوٹی پیڈ، غیرقانونی اورسمگل شدہ گاڑیاںہیں جنہیں لوگ ڈیوٹی اورٹیکس دیکرقانونی حیثیت دلوانا چاہتے ہیں مگروہ کلکٹریٹ میں انٹرنہیں ہوسکیں کیونکہ لوگوں کوگاڑیوں پر ڈیوٹی اور ٹیکس واجبات سمجھنے میں دشواری کا سامنا تھا جس سے انہیں گاڑیاںانٹرکرانے میں تاخیرہوئی ہے۔