جاتی امرا کے تحصیلدار کو چیف جسٹس نہیں بنایا جاسکتا، چوہدری شجاعت

 لاہور /  اسلام آباد: ق لیگ کے صدر و سابق وزیراعظم چوہدری شجاعت حسین نے کہاہے کہ جاتی امرا کے تحصیلدار کو چیف جسٹس نہیں بنایا جا سکتا۔

ق لیگ کے صدر و سابق وزیراعظم چوہدری شجاعت حسین نے حکومت پر تنقید کرتے ہوئے کہاہے کہ جاتی امرا کے کسی تحصیلدار کو تو چیف جسٹس بنایا نہیں جا سکتا جو نواز شریف کے حق میں فیصلے دے۔

چوہدری شجاعت نے مزید کہا کہ عدلیہ کو کمزور اور تنقید کا نشانہ بنانے والے احمقوں کی جنت میں رہتے ہیں، انھیں شاید یہ معلوم نہیں کہ سپریم کورٹ پارلیمنٹ کے کسی بھی فیصلے کو رد کرسکتی ہے جو آئین کے بنیادی ڈھانچے کے خلاف ہو، آئین کی تشریح سپریم کورٹ کو ہی کرنا ہوتی ہے۔