- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
نادرا کو مسلمانوں کی شناختی دستاویزات میں مذہب کی تبدیلی سے روک دیا گیا
اسلام آباد: ہائی کورٹ نے نادرا کو عدالتی حکم کے بغیر کسی مسلمان کے مذہب کی تبدیلی سے روک دیا ہے۔
ایکسپریس نیوز کے مطابق اسلام آباد ہائی کورٹ میں انتخابات 2018 ایکٹ میں ختمِ نبوتﷺ قانون میں ترامیم کے حوالے سے کیس کی سماعت ہوئی۔ کیس کی سماعت جسٹس شوکت عزیز صدیقی نے کی۔ ختم نبوت ﷺ قانون میں ترامیم کے خلاف درخواست گزار کے وکیل حافظ عرفات نے دلائل مکمل کرلئے، حافظ عرفات نے مؤقف پیش کیا کہ الیکشن ایکٹ میں ختم نبوتﷺ حلف نامے بارے ترامیم غیرآئینی ہیں کسی قانون سازی کے ذریعے آئین کا بنیادی ڈھانچہ تبدیل نہیں کیا جاسکتا۔
عدالتی حکم پر نادرا کی جانب سے قائم مقام ڈی جی نادرا نے ملک میں رجسٹرڈ قادیانیوں اور احمدی شناخت حاصل کرنے والے افراد کا ریکارڈ سربمہر بھی پیش کیا گیا، ریکارڈ میں قادیانیوں کے حوالے سے انکشاف ہوا ہے کہ ملک میں رجسٹرڈ قادیانیوں کی تعداد 1 لاکھ 67 ہزار 473 ہے جب کہ 10 ہزار 205 مسلمانوں نے اپنے شناختی کارڈ میں تبدیلی کرکے احمدی مذہب کو اپنی شناخت ظاہر کیا۔
جسٹس شوکٹ عزیز صدیقی نے قائم مقام ڈی جی نادرا سے استفسار کیا کہ کیا آپ کے محکمے کے پاس اختیار ہے کہ وہ کسی بھی نادرا قومی شناختی کارڈ رکھنے والے مسلمان کا مذہب تبدیل کردے، قائم مقام ڈی جی نادرا نے جواب دیا کہ نادرا کے سسٹم میں ایسا کوئی آپشن موجود نہیں، اسلام سے مذہب تبدیل کرنے والے شناختی کارڈ میں تصیح کا جھوٹا حلف نامہ دیتے ہیں۔ جسٹس شوکت صدیقی نے ریمارکس دیئے کہ یہ سب ریاست اور مسلم امہ کے ساتھ فراڈ اور غداری کے مترادف ہے۔
عدالت نے نادرا کو عدالتی حکم کے بغیر کسی بھی مسلمان کے مذہب کو تبدیلی سے روکتے ہوئے کیس کی سماعت پیر ملتوی کردی، عدالت نے بیرسٹراکرم شیخ، ڈاکٹراسلم کاکی اور بابراعوان کو بھی عدالتی معاونین مقرر کردیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔