کرپشن کے خاتمے تک نظام درست نہیں ہوگا، ڈاکٹرفاروق ستار

کراچی: ایم کیوایم کے رہنما ڈاکٹر فاروق ستار نے کہا ہے کہ کرپشن کے خاتمے تک نظام درست نہیں ہوگا۔

سٹی کورٹ کراچی کے باہر میڈیا سے بات چیت کر تے ہوئے متحدہ قومی موومنٹ کے ڈپٹی کنوینر ڈاکٹر فاروق ستار نے کہا کہ ہمارے امیدواروں نے مختلف حلقوں سے کاغذات نامزدگی داخل کرائے ہیں جنہیں کلیئر کردیا گیا ہے، انتخابات کے ذریعے متوسط طبقے کو ایوانوں میں لایا جاسکتا ہے۔ انہوں نے کہا کہ موروثی سیاست قائم رہی تو ملک کو نقصان ہوگا،ایم کیوایم ہمیشہ عوام کی عدالت میں جانے کے لئے تیار رہتی ہے اوراس مرتبہ ٹیکس چوروں کو الیکشن نہیں لڑنے دیں گے۔