عرفان خان خطرناک بیماری میں مبتلا

 ممبئی: بھارتی میڈیا میں افواہیں گردش کررہی ہیں کہ بالی ووڈ سپر اسٹار عرفان خان کو برین ٹیومر کا مرض تشخیص ہوا ہے البتہ خود عرفان خان نے بیماری بتانے سے گریز کرتے ہوئے کہا کہ وہ ایک خطرناک بیماری میں مبتلا ہوگئے ہیں۔ 

بھارتی میڈیا میں خبریں گردش کررہی ہیں کہ عرفان خان کوبرین ٹیومر(دماغ کا کینسر) تشخیص ہوا ہے اور انہیں ممبئی کے کوکیلا بین اسپتال میں داخل کردیا گیا ہےجہاں ان کا علاج جاری ہے۔ رپورٹس میں یہ بھی کہا جارہا ہے کہ عرفان خان برین ٹیومر کی ایک قسم گلی بوب لاسٹما ملٹی فورم (جی بی ایم) گریڈ فور میں مبتلا ہیں جس میں مریض کی موت واقع ہوجاتی ہے۔

Although IrrfanKhan is unwell, all malicious news being spread about him and his condition since an hour or two are untrue. Likewise, all other horrendous news relating to his hospitalisation are fake. By God’s grace, Irrfan is in Delhi and that’s the only truth.

— Komal Nahta (@KomalNahta) March 6, 2018

دوسری جانب بھارتی تجزیہ نگار کومل نہتا نے ٹویٹ کرتے ہوئے عرفان خان کی برین ٹیومر سے متعلق تمام خبروں کو بے بنیاد قرار دیتے ہوئے کہا کہ ’’یہ بات صحیح ہے کہ عرفان خان کی صحت اس وقت ٹھیک نہیں ہے لیکن ان کی بیماری سے متعلق چلنے والی تمام خبروں میں کوئی صداقت نہیں اور ان کی اسپتال میں داخل ہونے کی خبر بھی غلط ہے ، ان تمام خبروں میں صرف یہی ایک سچ ہے کہ  وہ اس وقت دلی میں ہیں۔

https://twitter.com/irrfank/status/970608954601590785

عرفان خان نے دوروز قبل ٹویٹ کرتے ہوئے کہا تھا کہ وہ 15 روز سے اپنی زندگی میں بے یقینی محسوس کررہے ہیں اور انہیں ایک خطرناک بیماری نے گھیرلیا ہے تاہم زندگی میں کبھی ہارنا نہیں سیکھا، ہمیشہ لڑتا رہا ہوں اور آگے بھی لڑتا رہوں گا اور اس جنگ میں گھر والے اور دوست میرے ساتھ ہیں جب کہ حتمی رپورٹس آنے پر میں جلد ہی آپ تمام لوگوں کو اپنی بیماری سے متعلق آگاہ کروں گا۔