- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
سیمنٹ کی برآمدات میں گزشتہ ماہ ریکارڈ 22.9 فیصد اضافہ
کراچی: سیمنٹ انڈسٹری نے نگراں حکومت پر زور دیا ہے کہ ملک میں معاشی سرگرمیوں کے فروغ اور سیمنٹ سمیت 56 متعلقہ انڈسٹریز کا پہیہ چلانے کے لیے تعمیراتی شعبے کے لیے محتاط پالیسی کو فروغ دیا جائے۔
آل پاکستان سیمنٹ مینوفیکچررز ایسوسی ایشن کے ترجمان نے کہا کہ سیمنٹ کی صنعت کو ملے جلے رجحان کا سامنا ہے اور وہ ابھی تک اس مشکل سے دوچار ہے کہ منجمد استعداد کو کیسے استعمال میں لے کر آئے کیونکہ صنعت بہت زیادہ لاگت اور ملکی و برآمدی مارکیٹ میں غیریقینی صورتحال ہے، انڈسٹری بہت مشکل میں ہے کیونکہ فروری اور مارچ میں برآمدات میں صحت مند اضافے کے ساتھ مقامی سپلائی میں معمولی اضافہ دیکھنے میں آیا۔ ترجمان نے کہا کہ مارچ 2013 نہایت شاندار رہا جس میں صنعت نے اپنی تاریخ کی سب سے زیادہ سپلائی ریکارڈ کی۔
مارچ 2013 میں سیمنٹ کی سپلائی 3.326 ملین ٹن رہی جس میں سے 2.558 ملین ٹن سیمنٹ مقامی طور پر استعمال کی گئی جبکہ باقی ماندہ 0.768 ملین ٹن برآمد کی گئی، مارچ 2012 کے مقابلے میں گزشتہ ماہ برآمدات میں 22.90 فیصد اضافہ ہوا جبکہ یہ فروری کی برآمدات سے بھی 15 فیصد زیادہ رہیں تاہم مقامی منڈی میں گزشتہ 2ماہ سے طاری جمود تشویشناک ہے، سیمنٹ کی مقامی فروخت میں فروری کے دوران صرف 1.58 فیصد اور مارچ میں برائے نام 0.17 فیصد اضافہ ہوا، رواں مالی سال کے پہلے 9 ماہ (جولائی تامارچ) کے دوران سیمنٹ کی مجموعی فروخت 24.542 ملین ٹن رہی ، اس عرصے میں مقامی فروخت 18.373 ملین ٹن اور برآمدات 6.169 ملین ٹن رہیں، برآمدات میں کمی کو ایڈجسٹ کرنے کے بعد سیمنٹ کی مجموعی فروخت میں 4.13 فیصد اضافہ ریکارڈ کیا گیا۔
ترجمان نے کہا کہ جمود کا شکار معیشت اورپیداواری لاگت میں اضافے نے سیمنٹ کی مارکیٹ تباہ کر دی ہے، گزشتہ چند برسوں میں تقریباً ہر صنعت کی پیداواری لاگت میں کئی گنا اضافہ ہوا ہے جس سے وہ تمام کاروبار بری طرح متاثر ہوئے جو پہلے ہی ملک میں سیکیورٹی کی نازک صورتحال کی وجہ سے متاثر تھے۔ ترجمان نے کہا کہ پیداواری لاگت میں مسلسل اضافہ صنعت کے لیے مشکلات کھڑی کر رہا ہے مگر اس کے باوجود حکومت کوصنعت کو کوئی سہولت نہ دینا افسوسناک ہے، سیمنٹ کی پیداوار کیلیے توانائی کا مرکزی ایندھن فرنس آئل ہے جس کی قیمت 2008-09 میں 33 ہزار910 روپے فی ٹن سے بڑھ کر اب 66 ہزار 65 روپے فی ٹن تک پہنچ چکی ہے۔
جبکہ قدرتی گیس کا حصول اب سیمنٹ کی صنعت کے لیے قصہ پارینہ بن کر رہ گیا ہے جبکہ بجلی کی قیمتیں 2008-09 میں 5.6 روپے فی کلوواٹ پرآوور سے بڑھ کر اب 9.45 روپے کے ڈبلیوایچ تک جا پہنچی ہیں، اس کے علاوہ ڈیزل کی قیمت 2008-09 میں 60.6 روپے فی لیٹر تھی جو اب109.21روپے ہو چکی ہے جس سے شعبے کے لیے شدید مشکلات پیدا ہوئیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔