عمران خان کو جوتا مارنے کی کوشش کرنے والے شخص کے خلاف مقدمہ درج

ویب ڈیسک  پير 12 مارچ 2018
مقدمہ میں دھمکیاں دینے اور حملے کی کوشش کرنے کی دفعات درج کی گئی ہیں۔ فوٹو: فائل

مقدمہ میں دھمکیاں دینے اور حملے کی کوشش کرنے کی دفعات درج کی گئی ہیں۔ فوٹو: فائل

فیصل آباد: تحریک انصاف کے چیئرمین عمران خان کو جوتا مارنے کی کوشش کرنے والے شخص کے خلاف مقدمہ درج کرلیا گیا۔

فیصل آباد ریلی میں چیئرمین پی ٹی آئی عمران خان کو جوتا مارنے کی کوشش کرنے والے شخص کے خلاف مقدمہ درج کرلیا گیا ہے، مقدمہ پی ٹی آئی سٹی جنرل سیکرٹری ڈاکٹر حسن مسعود کی مدعیت میں دھمکیاں دینے اور حملے کی کوشش کرنے کی دفعات کے تحت درج کیا گیا۔

اس خبر کو بھی پڑھیں : عمران خان پر جوتا پھینکنے کی کوشش کرنے والا شخص گرفتار

واضح رہے کہ گزشتہ روز مرزا رمضان نامی شخص نے عمران خان کی گاڑی پر لپکنے اور بدتمیزی کی کوشش کی تھی جس پر پی ٹی آئی کے سکیورٹی اہلکاروں نے پکڑ کر اسے تشدد کا نشانہ بنایا اور پولیس کے حوالے کیا تاہم ملزم نے تفتیش میں بتایا کہ اسے رانا ثناء اللہ کے داماد شہریار نے جوتا مارنے بھیجا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔