- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
بھارتی کرکٹر شامی کی بیوی نے ان پر میچ فکسنگ کا الزام عائد کردیا
بھارتی کرکٹر شامی کی بیوی نے ان پر میچ فکسنگ میں ملوث ہونے کا شبہ ظاہر کردیا، کولکتہ پولیس نے کرکٹر کے دبئی جانے پر بورڈ سے تفصیلات طلب کرلیں۔
بھارتی فاسٹ بولر محمد شامی کے خلاف روز بروز نئے الزامات سامنے آرہے ہیں، ان کے خلاف پہلے ہی پولیس سنگین نوعیت کے الزامات پر مقدمہ دائر کرچکی اور اب پراسرار دورہ دبئی کی چھان بین شروع ہوگئی ہے۔ وہ جنوبی افریقا سے وطن واپس آنے کے بجائے یو اے ای میں رک گئے تھے۔
بھارتی میڈیا کے مطابق کولکتہ پولیس کے ایک آفیسر کا کہنا ہے کہ ہم نے شامی کے خلاف مختلف دفعات کے تحت تحقیقات شروع کردی ہیں۔ اس سلسلے میں بی سی سی آئی کو خط میں ان سے شامی کے دبئی جانے کے حوالے سے تفصیلات طلب کی گئی ہیں۔ شامی کی بیوی حسین جہاں نے اپنی شکایت میں الزام عائد کیا کہ شامی ایک پاکستانی لڑکی سے ملنے کے لیے دبئی گئے اور ان سے اس دورے کو چھپایا، انھوں نے علشبہ نامی خاتون سے رقم حاصل کی جو مبینہ طور پر فکسنگ کی بھی ہوسکتی ہے۔
ایک انٹرویو میں حسین جہاں نے مزید کہا کہ علشبہ پاکستانی شہری ہے اور شامی نے یہ دعویٰ کیا کہ اس نے انھیں رقم دی ہے، مجھے کبھی بھی شامی نے نہیں بتایا کہ اس خاتون نے انھیں کس کام کے لیے رقم دی، میں اس حوالے سے کچھ بھی نہیں جانتی مگر ایک بات تو طے ہے کہ اگر وہ میرے ساتھ فراڈ کرسکتا ہے تو پھر وہ ملک کے ساتھ بھی ایسا کرسکتا ہے۔
یاد رہے کہ حسین جہاں اپنے شوہر شامی پر غیر عورتوں سے تعلقات کا الزام بھی عائد کرچکی ہیں جبکہ ان کے خلاف کیس میں اقدام قتل کی بھی دفعات شامل کی گئی ہیں۔ اسی وجہ سے بی سی سی آئی نے شامی کا سینٹرل کنٹریکٹ روک دیا جبکہ ان کی آئی پی ایل میں شرکت بھی خطرے میں پڑچکی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔