- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
عماد وسیم کی فٹنس کے حوالے سے تمام شکوک دور
شارجہ: کراچی کنگز کے کپتان نے اسپتال سے فارغ کیے جانے کے بعد ٹیم ہوٹل میں دیگر کھلاڑیوں کو جوائن کرلیا۔
تفصیلات کے مطابق لاہور قلندرزسے میچ میں سہیل خان کا کیچ لیتے ہوئے عماد وسیم سر کے بل گرگئے تھے جس کے بعد انھیں گراؤنڈ سے اسٹریچر پر لے جایا گیا، ہلکی غنودگی کی کیفیت پائے جانے پر انھیں کم از کم 24گھنٹے اسپتال میں زیر نگرانی رکھنے کا فیصلہ کیا گیا تھا،اس دوران ضروری ٹیسٹ بھی لیے گئے۔کراچی کنگز کی مینجمنٹ کا کہنا ہے کہ عماد وسیم کی فٹنس کے حوالے تمام شکوک دور ہوگئے اور اسپتال سے فارغ ہونے کے بعد وہ ٹیم ہوٹل واپس پہنچ گئے ہیں،امید ہے کہ اگلے میچ میں ٹیم کی قیادت کرینگے۔
دوسری جانب اسلام آباد یونائیٹڈ کے رومان رئیس پی ایس ایل تھری سے باہر ہوگئے، وہ ایونٹ کے ابتدائی مرحلے میں ہی کوئٹہ گلیڈی ایٹرز سے میچ کے دوران فیلڈنگ کرتے ہوئے سلپ ہوئے تو گھٹنہ زمین سے ٹکراگیا،شدید زخمی ہونے کے سبب انھیں اسٹریچر پرمیدان سے باہر لے جایا گیا تھا،زیر علاج رہنے کے بعد امید ظاہر کی جا رہی تھی کہ رومان صحتیاب ہو کر جلد ٹیم کا حصہ بن جائیں گے لیکن انھیں میدان میں اتارے جانے کا خطرہ مول لینے سے گریز کیا گیا ہے۔اسلام آباد یونائیٹڈ کی جانب سے جاری کردہ بیان میں کہا گیاکہ ٹیم کے فزیو ایرل ایلکاٹ رومان کی چوٹ کا معائنہ کرنے والے مقامی اسپتال کے ڈاکٹر سے رابطے میں تھے۔
وہ اس نتیجے پر پہنچے کہ اگرچہ رومان کی حالت میں بہت بہتری آئی ہے لیکن ان کا گھٹنہ بولنگ کرتے ہوئے زیادہ وزن برداشت نہیں کرسکتا،ڈاکٹر کا مشورہ یہی ہے کہ رومان کو مکمل صحتیابی تک آرام کرنا چاہیے،پیسر کی خدمات سے محرومی افسوسناک ہے لیکن کسی بڑی انجری سے محفوظ رکھنے کیلیے فی الحال ان کا آرام کرنا ہی درست فیصلہ ہے۔
یاد رہے کہ رومان رئیس سے قبل ویسٹ انڈین آل راؤنڈر آندرے رسل ہیمسٹرنگ انجری کے سبب پی ایس ایل چھوڑ کر چلے گئے تھے۔دریں اثناکوئٹہ گلیڈی ایٹرز کے آل راؤنڈر جان ہیسٹنگز بھی انجری کے باعث ایونٹ کے باقی میچز نہیں کھیل پائیں گے، آسٹریلوی کرکٹر سائیڈ اسٹرین کی وجہ سے وطن واپسی پر مجبور ہوگئے،ٹیم انتظامیہ کا کہنا ہے کہ آل راؤنڈر کے متبادل کا اعلان جلد کردیا جائے گا، ہیسٹنگز نے کہاکہ پی ایس ایل بہترین لیگ ہے جس میں بہترین ٹیلنٹ دیکھنے کو ملا، انجری کے سبب ایونٹ چھوڑجانے پر مجھے مایوسی ہو رہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔