- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
ٹیسٹ رینکنگ؛ اظہر علی ایک قدم پیچھے آگئے، ربادا نمبر ون بالر
دبئی سٹی: ٹیسٹ بیٹسمین رینکنگ میں ابراہم ڈی ویلیئرز کو جگہ دینے کے لیے اظہر علی کو ایک قدم پیچھے ہٹنا پڑگیا، بولرز میں کاگیسو ربادا نے نمبر ون پوزیشن حاصل کرلی، وہ 900 پوائنٹس کی حد عبور کرنے والے چوتھے جنوبی افریقی بولر بن گئے جب کہ پاکستانی بالر یاسر شاہ بدستور 14 ویں درجے پر ہیں۔
آسٹریلیا سے دوسرے ٹیسٹ میں جنوبی افریقی بیٹسمین ڈی ویلیئرز نے ناقابل شکست 126 اور دوسری اننگز میں 28 رنز بنائے، جس کی بدولت انھیں بیٹسمین رینکنگ میں 5 درجے ترقی حاصل ہوئی۔ اس طرح وہ ساتویں نمبر پر پہنچ گئے ان کی ترقی کا براہ راست نقصان پاکستان کے اظہر علی کو ہوا جو اب آٹھویں درجے پر آ چکے ہیں۔ ٹاپ پر آسٹریلوی کپتان اسٹیون اسمتھ موجود ہیں، ایک درجہ بہتری سے ہاشم آملا نویں نمبر پر پہنچ گئے۔
اسی پورٹ ایلزبتھ ٹیسٹ میں تباہ کن بولنگ سے پروٹیز کی کامیابی میں کلیدی کردار ادا کرنے والے کاگیسو ربادا نمبر ون بولر بن گئے انھوں نے میچ میں مجموعی طور پر 150 رنز کے عوض 11 وکٹیں حاصل کیں۔ انھوں نے انگلش فاسٹ بولر جیمز اینڈرسن سے پہلی پوزیشن چھینی اور اب 15 پوائنٹس آگے نکل چکے ہیں۔ ربادا 900 پوائنٹس کی حد عبور کرنے والے دنیا کے 23 ویں اور جنوبی افریقا کے چوتھے بولر ہیں۔
ان سے قبل ورنون فلینڈر، شان پولاک اور ڈیل اسٹین یہ اعزاز حاصل کرچکے۔ ربادا نے 2014ء میں جنوبی افریقا کی انڈر 19 ورلڈ کپ ٹائٹل فتح میں اہم کردار ادا کیا تھا۔ پاکستانی لیگ اسپنر یاسرشاہ بدستور 14 ویں نمبر پر موجود ہیں جبکہ آل راؤنڈرز میں پہلی پوزیشن بنگلہ دیشی شکیب کے پاس ہے۔
ٹیم رینکنگ میں بھارت سرفہرست، دوسرے نمبر پر جنوبی افریقا اور تیسری پوزیشن پر آسٹریلیا موجود ہے۔ نیوزی لینڈ اگر انگلینڈ کے خلاف 2 ٹیسٹ میچز کی سیریز میں کلین سوئپ کرے اور کینگروز پروٹیز سے باقی دونوں ٹیسٹ ہار جاتے ہیں تو پھر کیویز کو تیسری پوزیشن مل جائے گی۔ پاکستان 88 پوائنٹس کے ساتھ ساتویں نمبر پر موجود اور چھٹے نمبر پر موجود سری لنکا سے 7 پوائنٹس پیچھے ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔