شمالی کوریا کے دھمکی آمیز بیانات کے تباہ کن نتائج برآمد ہوسکتے ہیں، بان کی مون

میڈرڈ: اقوام متحدہ کے سیکریٹری جنرل بان کی مون نے کہا ہے کہ شمالی کوریا اپنے منفی بیانات میں بہت آگے نکل چکا ہے اور اس کےتباہ کن نتائج آسکتے ہیں۔

اسپین کے دارالحکومت میڈرڈ میں پریس کانفرس کرتے ہوئے بان کی مون  کا کہنا تھا کہ امریکا کو دھمکی دینا ایک مذ اق نہیں بلکہ ایک سنجیدہ عمل ہے اورشمالی کوریا غیر زمہ دارانہ رویئے میں خوفناک حد تک آگے بڑھتا جارہا ہے ۔

اقوام متحدہ کے سیکریٹری جنرل نے اس موقع پر فریقین سے اپیل کی کہ وہ کشیدہ صورتحال کو معمول پر لاتے ہوئے جلد از جلد مذاکرات کا عمل  شروع کریں۔ انہوں نے کہا کہ وہ خاص طور پر شمالی کوریا سے اپیل کرتے ہیں کہ اپنا وہ رویہ تبدیل کرے ورنہ اس معاملے کے  جو نتائج نکلیں گے اورانتہائی تباہ کن ہوں گے۔