ایمریٹس ایئرلائن کی ایئرہوسٹس طیارے سے نیچے جاگری

کمپالا: متحدہ عرب امارات کی مشہور فضائی کمپنی ایمریٹس کی ایئرہوسٹس طیارے سے نیچے جاگری۔

بین الاقوامی میڈیا رپورٹس کے مطابق یہ واقعہ یوگینڈا کے اینتیبے انٹرنیشنل ہوائی اڈے پر پیش آیا جہاں ایمریٹس کا  بوئنگ 777 طیارے کا ایمرجنسی دروازہ اچانک کھلنے سے ایئرہوسٹس نیچے جاگری۔ ایئرہوسٹس کو زخمی حالت میں فوری طورپر مقامی اسپتال منتقل کردیا گیا جہاں اس کی حالت تشویشناک بتائی جارہی ہے۔

یہ بھی پڑھیں: دوران پرواز پائلٹ کی موت واقع

فضائی کمپنی نے اپنے بیان میں بتایا  کہ ایمریٹس کی پرواز ای کے 730کی ایئرہوسٹس کے ساتھ افسوسناک حادثہ پیش آیا ہے۔ ایئرہوسٹس جب مسافروں کو ان کی نشستوں پر بٹھارہی تھی کہ اسی دوران طیارے کا ایمرجنسی دروازہ اچانک کھل گیا اور ایئرہوسٹس نیچے جاگری۔

بیان میں کہا گیا ہے کہ کمپنی زخمی ایئرہوسٹس کو تمام ممکنہ طبی امداد فراہم کررہی ہے جب کہ حادثے سے متعلق تحقیقات میں سول ایوی ایشن حکام سے بھرپور تعاون جاری رکھے ہوئے ہیں۔

IDENTIFIED: Elena a Bulgarian national [An Emirates Air hostess] commits sucide at Entebbe International Airport.

She jumped out of the plane shortly before take-off through the emergency exit [Door]

She was then rushed to Kisubi Hospital were she died#CapitalNewsDesk pic.twitter.com/oBaITJNtoU

— Capital FM Uganda (@capitalfmuganda) March 14, 2018