فیلڈنگ میں غفلت پر سہیل خان کی یاسر سے تکرار پر کیون پیٹرسن حیران

اسپورٹس ڈیسک  جمعـء 16 مارچ 2018
اپنے پورے کیریئر میں اس طرح کا مضحکہ خیز واقعہ نہیں دیکھا، کیون پیٹرسن ۔ فوٹو: فائل

اپنے پورے کیریئر میں اس طرح کا مضحکہ خیز واقعہ نہیں دیکھا، کیون پیٹرسن ۔ فوٹو: فائل

شارجہ:  فیلڈنگ میں غفلت پر سہیل خان کی یاسر سے تکرار ہوگئی جس پر کیون پیٹرسن حیران رہ گئے۔

فیلڈنگ میں غفلت پر سہیل خان کی یاسر سے تکرار ہوگئی،لاہور قلندرز کے پیسر نے کوئٹہ گلیڈی ایٹرز کیخلاف میچ میں بائونڈری پر موجود لیگ اسپنر کی توجہ حاصل کرنے کیلیے گیند دے ماری جو سرکے قریب سے گزرگئی۔

ناگواری محسوس کرتے ہوئے یاسر شاہ نے بھی بال اٹھائی اور واپس سہیل خان کی طرف پھینکی، دونوں ایک دوسرے پر چلاتے بھی نظر آئے، کپتان میک کولم نے معاملہ ٹھنڈا کیا تاہم میچ ختم ہوا تو دونوں نے ہاتھ ملانے سے بھی گریز کیا۔

اس صورتحال پر تبصرہ کرتے ہوئے کوئٹہ گلیڈی ایٹرز کے کیون پیٹرسن نے کہا کہ اپنے پورے کیریئر میں اس طرح کا مضحکہ خیز واقعہ نہیں دیکھا کہ ایک ہی ٹیم کے 2کھلاڑی میدان میں آپس میں الجھ رہے ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔