پشاور زلمی نے لاہور قلندرز کو شکست دیکر پلے آف مرحلے کیلیے کوالیفائی کرلیا

شارجہ: پاکستان سپرلیگ تھری کے اہم میچ میں پشاور زلمی نے کامران اکمل کی دھواں دار سنچری کی بدولت لاہور قلندرز کو شکست دے کر پلے آف مرحلے کے لیے کوالیفائی کرلیا۔

شارجہ میں کھیلے گئے میچ میں لاہور قلندرز نے پہلے بیٹنگ کرتے ہوئے مقررہ 20 اوورز میں 172 رنز بنائے جس کے جواب میں پشاور زلمی نے کامران اکمل کی شاندار بلے بازی کی بدولت مطلوبہ ہدف 3 وکٹ کے نقصان پر 2 اوورز پہلے ہی حاصل کرلیا۔

100 comes up for Kamran Akmal!
Watch ball by ball highlights at https://t.co/VecuwvxcJ3#LQvPZ #HBLPSL #PSL2018 @_cricingif pic.twitter.com/CIl8Vf4pQb

— PakistanSuperLeague (@thePSLt20) March 16, 2018

پشاور زلمی کی جانب سے کامران اکمل اور رکی ویسلز نے اننگز کا آغاز کیا لیکن ویسلز دوسرے ہی اوور میں 4 رنز پر پویلین واپس لوٹ گئے۔ تیسرے نمبر پر بیٹنگ کے لیے آنے والے ڈیون اسمتھ بھی صرف 13 رنز کے مہمان ثابت ہوئے۔ کامران اکمل نے تجربہ کار بلے باز محمد حفیظ کے ساتھ ملکر 87 رنز کی اہم شراکت قائم کی لیکن حفیظ 27 رنز بنانے کے بعد کامران کا ساتھ چھوڑ گئے۔

SIX! 15.2 Yasir Shah to Kamran Akmal
Watch ball by ball highlights at https://t.co/VecuwvxcJ3#LQvPZ #HBLPSL #PSL2018 @_cricingif pic.twitter.com/T5LFHHhM4z

— PakistanSuperLeague (@thePSLt20) March 16, 2018

دوسری جانب کامران اکمل نے آج ٹھان رکھی تھی کہ وہ پشاور زلمی کو ہر حالت میں میچ جتوا کر پلے آف مرحلے میں پہنچائیں گے جس میں وہ کامیاب بھی رہے، کامران نے پاکستان سپر لیگ کے تیسرے ایڈیشن کی پہلی سنچری اسکور کرتے ہوئے61 گیندوں پر 107 رنز کی ناقابل شکست اننگز کھیلی۔ ان کی اننگز میں 7 چھکے اور 11 چوکے شامل تھے۔

SIX! 14.1 Shaheen Afridi to Kamran Akmal
Watch ball by ball highlights at https://t.co/VecuwvxcJ3#LQvPZ #HBLPSL #PSL2018 @_cricingif pic.twitter.com/O8xcPORU2L

— PakistanSuperLeague (@thePSLt20) March 16, 2018

شاندار سنچری اسکور کرنے پر کامران اکمل کو نہ صرف میچ کا بہترین کھلاڑی قرار دیا گیا بلکہ ٹورنامنٹ کا ٹاپ اسکورر بننے پر انہیں حنیف محمد کیپ بھی پہنائی گئی۔ کامران اکمل نے پی ایس ایل تھری میں پہلی سنچری اسکور کرنے کے ساتھ ساتھ ٹورنامنٹ میں ٹاپ اسکورر ہونے کا اعزاز بھی حاصل کیا۔

اس سے قبل پشاور زلمی نے لاہور قلندرز کے خلاف ٹاس جیت کر بیٹنگ کا فیصلہ تو اننگز کا آغاز فخرزمان اور ڈیوسچ نے کیا تاہم 19 کے مجموعی اسکور پر فخرزمان صرف 6 رنز بناکر آؤٹ ہوگئے، اوپنر فخرزمان کے آؤٹ ہونے کے بعد کپتان برینڈن مک کولم کریز پر آئےلیکن وہ صرف 7 رنز ہی بناسکے اور سمین گل کی گیند پر بولڈ ہوگئے۔

SIX! 8.3 Liam Dawson to Agha Salman
Watch ball by ball highlights at https://t.co/VecuwvxcJ3#LQvPZ #HBLPSL #PSL2018 @_cricingif pic.twitter.com/dkKRLattW0

— PakistanSuperLeague (@thePSLt20) March 16, 2018

کپتان برینڈن مک کولم کے آؤٹ ہونے کے بعد اوپنر ڈیوسچ اور آغاسلمان نے ٹیم کو سنبھالا اور اسکور 95 تک پہنچایا تاہم آغا سلمان 28 رنز پر وہاب ریاض کی گیند پر آؤٹ ہوگئے۔

SIX! 12.2 Liam Dawson to Anton Devcich
Watch ball by ball highlights at https://t.co/VecuwvxcJ3#LQvPZ #HBLPSL #PSL2018 @_cricingif pic.twitter.com/THy9Y0FtDN

— PakistanSuperLeague (@thePSLt20) March 16, 2018

اوپننگ کے لیے آنے والے ڈیوسچ نے جارحانہ کھیل پیش کیا اور 42 گیندوں پر 70 رنز کی اننگز کھیلی تاہم وہ حسن علی کی گیند پر محمد حفیظ کے ہاتھوں کیچ آؤٹ ہوگئے۔

OUT! 14.5 Hasan Ali to Anton Devcich
Watch ball by ball highlights at https://t.co/VecuwvxcJ3#LQvPZ #HBLPSL #PSL2018 @_cricingif pic.twitter.com/r12XSPmcbo

— PakistanSuperLeague (@thePSLt20) March 16, 2018

119 رنز پر 4 وکٹیں گرنے کے بعد گلریز صدف اور سہیل اختر نے جارحانہ انداز اپناتے ہوئے لاہور کا اسکور آگے بڑھایا، گلریز نے 26 جب کہ سہیل اختر نے صرف 16 گیندوں پر 30 رنز بنائے جس کی بدولت لاہور قلندرز مقررہ اوورز میں 172 رنز بناسکی۔

The defending champions @PeshawarZalmi gunned down the target of 176 to make their way to the play-offs round.#HBLPSL #DilSeJaanLagaDe #LQvPZ pic.twitter.com/7U9PTOJm6z

— PakistanSuperLeague (@thePSLt20) March 16, 2018