قیام امن کیلیے پولیس اوررینجرز کو فری ہینڈ دیدیا،نگراں وزیراعلیٰ

اسٹاف رپورٹر  ہفتہ 6 اپريل 2013
شیشہ نوشی پر پابندی کے فیصلے پر عملدرآمد کرایا جائے گا، ٰ جسٹس ( ر )زاہد قربان۔ فوٹو: اے پی پی

شیشہ نوشی پر پابندی کے فیصلے پر عملدرآمد کرایا جائے گا، ٰ جسٹس ( ر )زاہد قربان۔ فوٹو: اے پی پی

کراچی: نگراں وزیراعلیٰ جسٹس (ر) زاہد قربان علوی نے کہا ہے کہ شیشہ پینے پر پابندی کے فیصلے پر سختی سے عملدرآمد کرایا جائے گا۔

کیونکہ اس سے نوجوان نسل متاثر ہورہی تھی، یہ بات انھوں نے بوہرہ کمیونٹی کے 8 رکنی وفد سے ملاقات کے دوران کہی جس نے وزیراعلیٰ ہاؤس میں نگراں وزیراعلیٰ سندھ سے ملاقات کی ، اس موقع پر باہمی دلچسپی کے امور پر تبادلہ خیال کیا گیا ۔

نگراں وزیراعلیٰ سندھ نے کہا کہ نگراں حکومت صوبے میں صاف اور شفاف انتخابات کے انعقاد کو یقینی بنانے کے لیے تمام ممکنہ اقدامات کرے گی،انھوں نے کہا کہ صوبہ سندھ بالخصوص کراچی شہر میں امن وامان کے قیام کو یقینی بنانے کے لیے آئی جی سندھ پولیس اور ڈی جی رینجرز کو فری ہینڈ دے دیا ہے اور ہدایت کی گئی ہے کہ ہر قیمت پر امن وامان کے قیام کو یقینی بنایا جائے۔

بوہرہ کمیونٹی کے وفد نے نگراں وزیراعلیٰ سندھ کو درپیش مسائل سے بھی آگاہ کیا جس پر نگراں وزیراعلیٰ سندھ نے تمام جائز مسائل ترجیحی بنیادوں پر حل کرانے کی یقین دہانی کرائی،دریں اثناء سابق چیئرمین نیب جسٹس (ر) سید دیدار حسین شاہ نے نگراں وزیراعلیٰ سندھ جسٹس (ر) زاہد قربان علوی سے ملاقات کرکے مختلف امور پر تبادلہ خیال کیا ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔