- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
طالبان افغان حکومت کی مذاکرات کی نئی پیش کش قبول کرلیں، پاکستان
کابل: مشیر قومی سلامتی لیفٹیننٹ جنرل ریٹائرڈ ناصر جنجوعہ نے افغان صدر اشرف غنی اور چیف ایگزیکٹو عبداللہ عبداللہ سے ملاقات میں طالبان پر زور دیا ہے کہ کابل حکومت کی مذاکرات کی نئی پیش کش قبول کرلیں۔
بین الاقوامی خبر رساں ایجنسی کے مطابق مشیر قومی سلامتی ناصر جنجوعہ نے کابل میں افغان چیف ایگزیکٹو عبد اللہ عبداللہ اور افغان صدر اشرف غنی سے علیحدہ علیحدہ ملاقات کی، جس میں دونوں ممالک کے درمیان پاک افغان تعلقات میں بہتری کے لئے اعلیٰ سطح کے مذاکرات کی ضرورت پر زور دیا گیا۔
مشیر قومی سلامتی نے پہلی ملاقات افغان صدر اشرف غنی سے صدارتی آفس میں کی جہاں دونوں ممالک کے وفود بھی موجود تھے، اس موقع پر افغان صدر نے ناصر جنجوعہ کے ہاتھوں وزیراعظم شاہد خاقان عباسی کو کابل کے دورے کی دعوت بھی بھیجی، جب کہ ناصر جنجوعہ نے افغانستان میں قیام امن کے لیے طالبان سے مذاکرات کے عمل کو سراہا۔
Today, I received Pakistani NSA at Dilkusha palace. As a follow up to #Kabul process, I have extended an official invitation to Pakistani Prime Minister to visit #Afghanistan. This is to initiate state to state comprehensive dialogue. pic.twitter.com/3LuN3tJFq3
— Ashraf Ghani (@ashrafghani) March 17, 2018
بعد ازاں مشیر قومی سلامتی ناصر جنجوعہ نے افغانستان کے چیف ایگزیکٹو عبد اللہ عبداللہ سے بھی ملاقات کی، جس میں باہمی تعلقات اور دلچسپی کے امور پر تبادلہ خیال کیا گیا۔ ملاقات میں اس امر پر اتفاق کیا گیا کہ طالبان کو افغان حکومت کی امن مذاکرات کی نئی پیش کش سے فائدہ اٹھانا چاہیے اور اس سلسلے کو خطے کے لیے امن کا پیش خیمہ بنانا چاہیے۔
افغانستان کے چیف ایگزیکٹو کی جانب سے جاری کردہ ٹوئٹ کے مطابق ناصر جنجوعہ اور عبد اللہ عبداللہ نے دونوں ممالک کے باہمی تعلقات کو بہتر بنانے کے لیے حکومتی سطح پر مذاکرات کی ضرورت پر زور دیا۔ مشیر قومی سلامتی ناصر جنجوعہ نے افغان امن عمل کی حمایت کی اور طالبان پر زور دیا کہ کابل حکومت کی بروقت نئی مذاکرات کی پیش کش کو قبول کرلیں۔
Chief Executive Dr. Abdullah met Nasser Janjua National Security Advisor of #Pakistan. They discussed inter-state dialogues for improvement of relations between the 2 countries, support for the Afghan Peace Process and the timely & new peace offer that Taliban should utilize. pic.twitter.com/HYwLScQkan
— Dr. Abdullah (@afgexecutive) March 18, 2018
واضح رہے کہ وزیراعظم کے مشیر برائے قومی سلامتی لیفٹیننٹ جنرل (ر) ناصر جنجوعہ اپنے افغانی ہم منصب حنیف اتمر کی دعوت پر کابل پہنچے ہیں، ناصر جنجوعہ نے افغان صدر اور چیف ایگزیکٹو کے علاوہ افغان سیکیورٹی ایجنسی این ڈی ایس کے سربراہ سے بھی ملاقات کی جس میں سرحدوں پر دہشت گردوں کی نقل و حرکت کو روکنے کے لیے اقدامات پر تبادلہ خیال کیا گیا۔
ترجمان قومی سلامتی کے مطابق مشیرناصر جنجوعہ کا افغانستان میں گرمجوشی سے استقبال کیا گیا۔ مشیر قومی سلامتی نے اپنے دورے کے دوران افغان وزیر دفاع، اپنے ہم منصب اور افغان سیکیورٹی ایجنسی کے سربراہ سے بھی ملے، ملاقاتوں میں پاکستان اور افغان رہنماؤں نےامن واستحکام کےلیےتعاون جاری رکھنے پر اتفاق کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔