- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
آسکر ایوارڈ کے صدر کو جنسی ہراسانی کے الزام کا سامنا
واشنگٹن: فلمی دنیا کے سب سے معتبر اعزاز ’آسکر ایوارڈز‘ کے سربراہ پر تین خواتین کی جانب سے جنسی طور پر ہراساں کرنے کا الزام سامنے آیا ہے۔
بین الاقوامی خبر رساں ادارے کے مطابق آسکر ایوارڈ کے 75 سالہ صدر جوہن بیلے پر تین خواتین نے جنسی ہراسانی کا الزام عائد کیا ہے، تینوں خواتین نے یہ الزامات سوشل میڈیا پر جاری مہم ’’ می ٹو‘‘ کے تحت خود پر بیتے جنسی ہراسانی یا گھریلو تشدد کے واقعات کو شیئر کرنے کے تحت عائد کیے ہیں۔ الزامات کے بعد اکیڈمی کی جانب سے تحقیقات کا آغاز کردیا گیا ہے جو اپنی رپورٹ بورڈ آف گورنر کو پیش کریں گے جس کے بعد صدر کے مستقبل کا فیصلہ کیا جائے گا۔
آسکر ایوارڈ کے صدر نے تین خواتین کی جانب سے جنسی ہراسانی کے الزامات کی تردید کرتے ہوئے کہا کہ ’’ می ٹو‘‘ کا نام ’’ غفلت میں جھوٹ بولنا‘‘ ہونا چاہیے کیوں کہ ان میں کوئی حقیقت نہیں ہے اس لیے جلد ہی ان الزامات کا کچا چٹھا سامنے آجائے گا، یہ میری نیک نامی کو نقصان پہنچانے کی کوشش ہے جس پر قانونی چارہ جوئی کرنے کا حق محفوظ رکھتا ہوں۔
خواتین کے استحصال اور جنسی ہراسانی کے واقعات سے آگاہی حاصل کرنے اور روک تھام کے لیے سوشل میڈیا پر ’’ می ٹو ‘‘ کے پیش ٹیگ کے ساتھ فلمی خواتین کی مہم جاری ہے جس میں گزشتہ برس نومبر سے اب تک درجنوں فلمی اداکاراؤں نے اپنے ساتھ ہونے والے زیادتی کے واقعات شیئر کیے ہیں۔
واضح رہے کہ اس سے قبل فلمی دنیا میں اداکاراؤں اور خواتین کو جنسی طور پر ہراساں کرنے اور انہیں ’ریپ‘ کا نشانہ بنانے کا سب سے پہلا بڑا واقعہ گزشتہ برس اکتوبر میں سامنے آیا تھا جب کہ اکتوبر میں ہی کم سے کم 3 درجن اداکاراؤں اور خواتین نے 65 سالہ پروڈیوسر ہاروے وائنسٹن پر جنسی طور پر ہراساں کرنے اور زیادتی کا نشانہ بنانے کا الزام عائد کیا تھا۔
75 سالہ جوہن بیرلے نے آسکر اکیڈمی کی صدارت گزشتہ برس اگست میں سنبھالی تھی۔ انہوں نے اپنے دور صدارت میں خواتین ارکان کے لیے بہت سے کام کیے ہیں جن میں اکیڈمی کی خواتین ارکان کو یکساں حقوق فراہم کرنا اور خواتین ارکان کے تحفظ کے لیے ضابطہ اخلاق بھی جاری کرنا بھی شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔