دوران پرواز ایوانکا ٹرمپ کے ہیلی کاپٹر کا انجن فیل ہوگیا

ویب ڈیسک  پير 19 مارچ 2018
ایوانکاٹرمپ شوہر کے ہمراہ واشنگٹن سے نیویارک جانے کے لیے ہیلی کاپٹر میں سوار تھیں،فوٹو:فائل

ایوانکاٹرمپ شوہر کے ہمراہ واشنگٹن سے نیویارک جانے کے لیے ہیلی کاپٹر میں سوار تھیں،فوٹو:فائل

 واشنگٹن: امریکی صدر ڈونلڈ ٹرمپ کی بیٹی  ایوانکا کے ہیلی کاپٹر کا انجن دوران پرواز فیل ہوگیا۔

امریکی میڈیا کے مطابق ایوانکاٹرمپ شوہر کے ہمراہ واشنگٹن سے نیویارک جانے کے لیےدو انجن والے ہیلی کاپٹر میں سوار تھیں کہ پرواز کے دوران اچانک ہیلی کاپٹر کا ایک انجن فیل ہوگیا جس پر پائلٹ نے فوری طور پر واپس جانے کا فیصلہ کیا اور ہیلی کاپٹر کا رخ موڑ کر اسے بحفاظت واشنگٹن کے رونالڈ ریگن نیشنل ایئرپورٹ پر لینڈ کرادیا۔

یہ بھی پڑھیں: ایوانکا ٹرمپ پاکستانی کاروباری خاتون سے متاثر

رپورٹس میں بتایا گیا کہ دوسرے ہیلی کاپٹر کی عدم دستیابی پر جوڑے  کو کمرشل فلائٹ سے نیویارک روانہ کیا گیا۔

انجن فیل ہونے کے واقعے پر ٹوئٹر پر زبردست بحث چھڑ گئی،ایک صارف نے لکھا کہ کیاہمارا ٹیکس ایوانکا کی ہیلی کاپٹرز کی پروازوں کے لیے استعمال ہوتا ہے؟جس پر ایک خاتون نے کمنٹ دیا کہ میری فیملی کو میڈیکل بلز ادا کرنے پرشدید دشواری کا سامنا رہتا ہے  لیکن ہمارے ہی ادا کیے گئے ٹیکس سے صدر کی بیٹی ہیلی کاپٹرز استعمال کررہی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔