پی ایس ایل فائنل کے روز موبائل فون سروس کھلی رہے گی، وزیر اعلیٰ سندھ  

ویب ڈیسک  منگل 20 مارچ 2018
پی ایس ایل کے فائنل کے موقع پر سیکیورٹی انتظامات پر خاص توجہ دی ہے، وزیر اعلٰی ؛ فوٹوفائل

پی ایس ایل کے فائنل کے موقع پر سیکیورٹی انتظامات پر خاص توجہ دی ہے، وزیر اعلٰی ؛ فوٹوفائل

کراچی: وزیر اعلیٰ سندھ مراد علی شاہ نے کہا ہے کہ پی ایس ایل کے فائنل کے روز موبائل فون سروس کھلی رہے گی۔ 

کراچی میں میڈیا سے بات کرتے ہوئے وزیراعلیٰ سندھ مراد علی شاہ نے کہا کہ سندھ حکومت نے پی ایس ایل کے فائنل کے موقع پر سیکیورٹی انتظامات پر خاص توجہ دی ہے، پی ایس ایل فائنل کے موقع پر سیکیورٹی کے انتظامات تسلی بخش ہیں، شہری خوشگوار انداز میں پاکستان سپر لیگ کا فائنل انجوائے کریں۔

مراد علی شاہ نے کہا کہ پی ایس ایل کے فائنل کے روز  موبائل فون سروس بند ہونے سے شہریوں کو پریشانی کا سامنا ہوسکتا ہے اور ہم شہریوں کو پریشان نہیں کرنا چاہتے۔ اس لئے فیصلہ کیا گیا ہے اس دن موبائل فون سروس بحال رہے گی۔

واضح رہے کہ پی ایس ایل کے دوسرے اور تیسرے پلے آف کے دوران لاہور میں موبائل فون سروس بند رہے گی، فائنل کے دوران کراچی میں بھی موبائل فون سروس بند رکھنے کا فیصلہ کیا گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔