- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
فلموں کی کامیابی کیلیے نئے چہرے متعارف کرانا ضروری ہیں، ارشمہ
شلاہور: اداکارہ وماڈل ارشمہ نے کہا ہے کہ پاکستان فلم انڈسٹری کے سنہرے دورمیں جہاں مختلف موضوعات پر فلمیں بنائی جاتی تھیں، وہیں فلموں میں نئے چہروں کو متعارف کروانے کا سلسلہ اگرمعمول کے مطابق جاری رہتا توآج ہم ترقی کی اونچائیوں کو چھو رہے ہوتے۔
’’ایکسپریس‘‘ سے گفتگوکرتے ہوئے ارشمہ نے کہا کہ زندگی کے تمام شعبے اس وقت تک آگے نہیں بڑھتے ، جب تک اس شعبے میں نوجوانوں کو کام کے بہترمواقع میسر نہیں آتے۔ ہم بات کریں ہالی ووڈ کی یا بالی ووڈ کی تو دونوں ہی دنیا کی بڑی فلم انڈسٹریاں ہیں اوران کے فلمی ستارے بھی ایک سے بڑھ کرایک ہیں۔ ان کے چاہنے والے دنیا بھرمیں موجود ہیں لیکن اس کے باوجود نوجوان فنکارآئے دن کسی نہ کسی فلم میں دکھائی دیتے ہیں۔ اگر وہاں پر صرف مقبول فنکاروں کو ہی فلموں میں کاسٹ کرنے کا رجحان رہتا توان کے پاس آج وہ مقام نہ ہوتا، جس کے ذریعے وہ لوگوں کے دلوں پر راج کررہے ہیں۔ اس لئے ضروری ہے کہ زیادہ سے زیادہ نوجوانوں کو مواقع فراہم کئے جائیں۔
ارشمہ نے کہا کہ ایک دور تھا کہ پاکستانی فلموں کی پہچان ریما، صائمہ، میرا، ریشم اور دیگر سے تھی اور ان تمام اداکاراؤں نے بڑی بھرپور اننگز کھیلیں، لیکن ہرکسی کا ایک وقت ہوتا ہے اوراس کے بعد لوگ کچھ نیا دیکھنا چاہتے ہیں۔
اداکارہ نے کہا کہ ہمارے ہاں فلمیں بنانے والوں کی اکثریت نے کبھی اس بارے میں نہیں سوچا اور نہ ہی اپنی کوئی سیکنڈ لائن تیارکی، جس کی وجہ سے پاکستان فلم انڈسٹری پربحران چھا گیا لیکن اس وقت صورتحال خاصی مختلف ہے اوربہت سے نوجوان چہرے اب ہمیں بڑے پردے پردکھائی دیتے ہیں، چاہے یہ تمام فنکارٹی وی سے تعلق رکھتے ہوں، مگر پھر بھی عوام کوکچھ نیا دیکھنے کو مل رہا ہے۔ اس سے یہ بات ثابت ہوتی ہے کہ عوام کوہمیشہ نئی چیز دیکھنی ہے اور ہمیں اس بات کا خیال رکھتے ہوئے فلمیں پروڈیوس کرنا ہوں گی، وگرنہ بہت جلد بحران کے کالے سائے ہماری فلم انڈسٹری کو اپنے گھیرے میں لے لیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔