- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
زرعی تنظیموں کا چینی ماہرین کے اجلاس کرانے کا فیصلہ
اسلام آباد: وفاقی حکومت کی جانب سے چین پاکستان اقتصادی راہداری (سی پیک) منصوبے کے تحت زرعی سیکٹر کے فروغ کے لیے ملک بھر کے کا شتکاروں کی نمائندہ تنظیموں کو چائنا کے زرعی ماہرین کے ساتھ اجلاس کرانے کا فیصلہ کیاگیا ہے۔
ذرائع کے مطابق چین پاکستان اقتصادی راہداری منصوبے (سی پیک) کے تحت حکومت کی جانب سے ملک کے زرعی سیکٹر کے فروغ کے لیے پاکستان بھر کی زرعی تنظیموں کے نمائندوں اور زراعت کے شعبے سے وابستہ لوگوںکو چائنا کے زرعی ماہرین سے ملا نے کا فیصلہ کیا گیا ہے۔
یہ اجلاس پاکستان زرعی تحقیقی کونسل اور وزارت منصوبہ بندی کی جانب مشترکہ طور پر چائنا کے ماہرین کے ساتھ منعقد کیا جائے گا جس میں پاکستان بھر کے زرعی شعبے سے وابستہ لوگوں کو پاکستان کے زرعی سیکٹر کے فروغ کے لیے اقدامات کرنے کے سلسلے میں آگاہ کیا جائے گا۔
ذرائع کے مطابق وفاقی حکومت کی جانب سے چائنا کو باضابطہ طور پر ایک مراسلہ بھی لکھ دیا گیا ہے جس میں چین پاکستان اقتصادی راہداری منصوبے کے لانگ ٹرم پلان کو مد نظر رکھتے ہوئے چائنا کے ماہرین کو پاکستان آنے کی دعوت دی گئی ہے تاکہ پاکستان کے زرعی سیکٹر کے اسٹیک ہولڈرز کے ساتھ باضابطہ ملاقات کے بعد سی پیک کے زراعت پر لانگ ٹرم پلان کے سلسلے میں پیش رفت کی جا سکے۔
چین پاکستان اقتصادی راہداری منصوبے کے لانگ ٹرم پلان میں زراعت ایک اہمیت کا حامل سیکٹر ہے۔ جس کے تحت پاکستان کے زرعی انفرااسٹرکچر کو فروغ دیا جائے گا۔ سی پیک لانگ ٹرم پلان کے مطابق پاکستان میں زراعت کے سیکٹر کو فروغ دینے کے لیے ماڈل ایگری کلچر زون اور فصلوں کی پیداوار میں اضافے کے لیے اقدامات کیے جائیں گے۔
اس کے علاوہ سی پیک کے تحت ہی پاکستان بھر میں زراعت میں پانی کو محفوظ کرنے کے لیے ڈرپ ایری گیشن سسٹم ٹیکنالوجی کو بھی فروغ دیا جائے گا جبکہ کم پیداواری فصلوں کی پیداوار بڑھانے کے سلسلے میں بھی اقدامات کیے جائیں گے۔
یاد رہے کہ چائنا میں اس وقت 1ٹریلین ڈالر کی فوڈ کی کھپت ہے جبکہ چائنا کی جانب سے تقریبا 63ارب ڈالر تک فوڈ آئٹمز کی درآمدات کی جاتی ہیں۔ سی پیک کے تحت پاکستان اپنے زرعی سیکٹر کو فروغ دیتے ہوئے چائنا کو فوڈ سپلائی کر کے فائدہ حاصل کر سکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔