- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
مصباح، حفیظ اختلافات سے کوئی تیسرا فائدہ اٹھانا چاہتا ہے
لاہور: سابق ٹیسٹ کرکٹر باسط علی کا کہنا ہے کہ مصباح الحق اور محمد حفیظ کو ذاتی طور پر جانتا ہوں، دونوں کے درمیان اختلافات کی خبریں پھیلا کر کوئی تیسرا فریق فائدہ اٹھانا چاہتا ہے۔
سابق چیئرمین پی سی بی اعجاز بٹ کا حفیظ اور واٹمور کیخلاف بیان ملک دشمنی کے مترادف ہے۔ لاہور جیمخانہ کرکٹ گراؤنڈ باغ جناح میں خواتین نیشنل چیمپئن شپ کے موقع پر میڈیا سے بات چیت میں سابق ٹیسٹ بیٹسمین باسط علی نے کہا کہ اعجاز بٹ میرے محترم ہیں لیکن انھیں چاہیے کہ وہ پہلے اپنے اور موجودہ چیئرمین کا موازنہ کریں کہ کس کے دور میں پاکستان کرکٹ کو نقصان ہوا اور کس کے دور میں ملکی کرکٹ میں بہتری آئی۔
شعیب ملک اور آفریدی جیسے کھلاڑیوں کو کارکردگی دکھانے کے باوجود کپتانی سے ہٹا کرٹیم میں تنازعات کو جنم دیا اور اسپاٹ فکسنگ کیس میں پاکستانی کھلاڑیوں کو سزااورفکسنگ الزامات کے بعد انگلش بورڈ سے معافی مانگ کر پاکستان کی بدنامی کا سبب بھی اعجاز بٹ ہی کا تحفہ ہے، بیٹنگ کوچ کے حوالے سے پوچھے گئے سوال کے جواب میں باسط علی نے کہا کہ کوچ کی ضرورت جونیئر سطح پر ہوتی ہے قومی کرکٹ ٹیم کیلیے ایک’’ فائن ٹیونر ‘‘کی ضرورت ہے جو کھلاڑیوں کوفائنل ٹچ دے کر ان کی کارکردگی میں اضافہ کرسکے اور اس کام کے لیے 90 کی دہائی کے بعد کرکٹ کھیلنے والے انضمام الحق اور راشد لطیف میں سے کسی ایک کو اس کام کے لیے مقرر کیا جائے۔
سابق ٹیسٹ کرکٹرنے کہا ہے کہ پی سی بی کو چاہیے کہ تمام ڈیپارٹمنٹس کو ویمن کرکٹ ٹیمیں بنانے کے لیے خط لکھے۔ نیشنل ویمن چیمپئن شپ میں شامل ٹیموں کی درجہ بندی کرنا پی سی بی کا موثر اقدام ہے جس سے کمزور ٹیموں کو بھی مضبوط ٹیموں کیخلاف کھیلنے کا موقع ملے گا۔ انھوں نے کہا کہ ویمن کے میچز ٹیلی ویژن پر دکھانے سے کھلاڑیوں اور ان کے والدین کے حوصلے بلند ہوئے ہیں اوراب وہ خود اپنی بچیوں کو کھیلنے کے لیے گراؤنڈ میں چھوڑکرجاتے ہیںجو ویمن کرکٹ کی بہتری میں مدد دے گا۔انھوں نے کہا کہ پاکستان ویمن ٹیم باصلاحیت ہے مگر اسے ایک سال میں آسٹریلیا جیسی مضبوط ٹیم نہیں بنایا جاسکتا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔