مداحوں نے سلمان خان کو آبدیدہ کردیا

سلمان خان نے آبدیدہ انداز میں مداحوں کا شکریہ ادا کیا

ویب ڈیسک April 09, 2018

سلمان خان نے آبدیدہ انداز میں مداحوں کا شکریہ ادا کیا،فوٹو: فائل

بالی ووڈ سلطان سلمان خان کو اُن کے مداحوں نے آبدیدہ کردیا۔

بالی ووڈ اداکار سلمان خان کو چند روز قبل کالے ہرن شکار کیس میں جودھ پور کی عدالت نے 5 سال قید کی سزا سنائی تھی تاہم دو روز بعد انہیں ضمانت پر رہا کردیا گیا، دبنگ خان رہائی کے فوراً بعد ممبئی پہنچے تو وہاں اُن کی توقعات کے برعکس مداحوں کی جانب سے پرتپاک استقبال کیا گیا، جس نے سلو میاں کو آبدیدہ کردیا۔

Tears of gratitude . To all my loved ones who are with me and never lost hope . Thank you for being there with all the love and support . God Bless .
— Salman Khan (@BeingSalmanKhan) April 9, 2018

بالی ووڈ سمیت ہزاروں دلوں میں راج کرنے والے سلمان خان نے سماجی رابطے کی ویب سائٹ ٹوئٹر پر اپنی رہائی کے بعد شاندار استقبال کئے جانے پر آبدیدہ انداز میں مداحوں کا شکریہ ادا کرتے ہوئے کہا کہ بُرے وقت میں میری ساتھ رہنے پر،میری حمایت کرنے پر اور بے انتہا محبت کرنے پر شکر گزار ہوں۔

یہ خبر بھی پڑھیں: جیل سے رہا ہوتے ہی دبنگ خان کی موج مستیاں

واضح رہے کہ بالی ووڈ کے سلطان سلمان خان کو دوروز قبل 19 سال پرانے نایاب کالے ہرن شکار کے کیس میں بھارتی ریاست راجستھان کے شہر جودھ پور کی مقامی عدالت نے قصوروارٹہراتے ہوئے 5 سال قید اور 10 ہزار روپے جرمانے کی سزاسنائی تھی۔