- بلوچستان کے علاقے نانی مندر میں نایاب فارسی تیندوا دیکھا گیا
- ججز دھمکی آمیز خطوط، اسلام آباد ہائیکورٹ کا مستقبل میں متفقہ ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
حیدرآباد میں ایم کیو ایم کے صوبائی امیدوار فخر الاسلام کو قتل کردیا گیا
حیدرآباد: ہالا ناکہ کے علاقے میں نامعلوم افراد کی فائرنگ سے متحدہ قومی موومنٹ کے امیدوار فخرالاسلام جاں بحق ہوگئے،نگراں وزیراعظم جسٹس(ر)میرہزارکھوسو نے واقعے کا نوٹس لیتے ہوئے متعلقہ حکام سے 24گھنٹے میں رپورٹ طلب کرلی۔
ایکسپریس نیوز کے مطابق ایم کیو ایم کے امیدوار فخرالاسلام ہالا ناکہ کے علاقے میں اپنے گھر سے نکل رہے تھے کہ اچانک 2 نامعلوم مسلح افراد نے ان پر فائرنگ کردی ، فخرالاسلام کو 7گولیاں ماری گئیں جو ان کے پیٹ اور سینے پر لگیں جس کے نتیجے میں وہ موقع پر ہی جاں بحق ہوگئے، واردات کے بعد مسلح افراد موٹر سائیکل چھوڑ کر فرار ہوگئے، فخرالاسلام کی لاش کو اسپتال سے گھر منتقل کردیا گیا جہاں ایم کیو ایم کے رہنماؤں اورکارکنوں کی بڑی تعداد بھی موجود ہے، فخرالاسلام کی عمر 47 سال تھی اور وہ ایم کیو ایم کے یونٹ ممبر بھی تھے۔
متحدہ قومی موومنٹ کے قائد الطاف حسین نے فخرالاسلام کی قتل کی مذمت کرتے ہوئے مطالبہ کیا ہے کہ فخرالاسلام کے سفاک قاتلوں کو گرفتار کیا جائے، قتل و غارت سے کارکنوں کے حوصلے پست نہیں کئے جاسکتے، حق پرست شہدا کا لہو ہرگز رائیگاں نہیں جائے گا انہوں نے کہا کہ فخرالاسلام کے قتل کا فوری نوٹس لیا جائے اور ایم کیو ایم کے تمام نامزد امیدواروں کو تحفظ فراہم کیا جائے۔
دوسری جانب صدر آصف علی زرداری نے واقعے پر افسوس کا اظہار کرتے ہوئے کہا ہے کہ انتخابی عمل میں رخنہ ڈالنے کی کوشش برداشت نہیں کی جائے گی، انہوں نے حکام کو ہدایت کی کہ فخر الاسلام کے قاتلوں کو فوری طور پر گرفتار کرکے انہیں قرار واقعی سزا دی جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔