کرینہ تیمور کو کرکٹر بنانے کی خواہشمند

تیمور کے جین میں کرکٹ اور اداکاری دونوں ہی شامل ہیں،کرینہ کپور

ویب ڈیسک April 11, 2018

تیمور کے جین میں کرکٹ اور اداکاری دونوں ہی شامل ہیں،کرینہ کپور - فوٹو؛ فائل

بالی ووڈ اداکار کرینہ کپور نے اپنے بیٹے تیمور علی خان کو کرکٹر بنانے کی خواہش ظاہر کردی۔

بھارتی میڈیا رپورٹس کے مطابق بالی ووڈ کی نامور اداکارہ کرینہ کپور کا کہنا ہے کہ 'میں ہمیشہ ہی اداکارہ بننا چاہتی تھی اور اس پیشہ میں 18 سال کام کرنے کے بعد مجھے نہیں لگتا کہ میں کچھ اور کرنے کا سوچوں کیوں کہ میں اداکاری کے بغیر زندگی کا تصور ہی نہیں کر سکتی۔

کرینہ کا تیمور سے متعلق پوچھے گئے سوال پر کہنا تھا کہ تیمور کے جین میں کرکٹ اور اداکاری دونوں ہی شامل ہیں کیوں کہ تیمور کے دادا ٹائیگر پتوڈی بھارتی کرکٹ ٹیم کے کپتان تھے جب کہ اس کی نانی، والد اور میرا تعلق اداکاری سے ہے لیکن میری خواہش ہے کہ تیمور بڑا ہو کر کرکٹر بنے۔

واضح رہے کہ بالی ووڈ کی بے بو اور سیف علی خان کی اہلیہ کرینہ کپور کو بھارتی ریاست مہاراشٹر کی جانب سے مہاراشٹیرین ایوارڈ سے نوازہ گیا اور آج کل فلم 'ویر دی ویڈنگ 'کی پرموشن میں مصروف عمل ہیں۔