بلاول نے نااہلی فیصلوں کا ذمہ دار مسلم لیگ (ن) اور تحریک انصاف کو قرار دے دیا

ویب ڈیسک  جمعـء 13 اپريل 2018
سیاستدانوں کے مستقبل کا فیصلہ عوام کو کرنا چاہئے، بلاول بھٹو زرداری   فوٹو: فائل

سیاستدانوں کے مستقبل کا فیصلہ عوام کو کرنا چاہئے، بلاول بھٹو زرداری فوٹو: فائل

کراچی: پاکستان پیپلز پارٹی کے چیئرمین بلاول بھٹو زرداری نے نااہلی سے متعلق عدالتی فیصلوں کا ذمہ دار مسلم لیگ (ن) اور تحریک انصاف کو قرار دے دیا ہے۔

آرٹیکل 62 ون ایف کی تشریح سے متعلق سپریم کورٹ کے فیصلے پر اظہار خیال کرتے ہوئے بلاول بھٹو زرداری نے کہا کہ میں اس بات پر پختہ یقین رکھتا ہوں کہ سیاستدانوں کے مستقبل کا فیصلہ عوام کو کرنا چاہئے۔

اس خبرکوبھی پڑھیں: نواز شریف اور جہانگیر ترین تاحیات نااہل قرار

بدقسمتی سے مسلم لیگ (ن) اور تحریک انصاف  نے سیاسی معاملات عدالت کے حوالے کر دیے۔ اب نااہل نواز شریف اور جہانگیر ترین اپنے کئے کے نتائج بھگتیں۔

واضح رہے کہ سپریم کورٹ نے  اپنے فیصلے میں کہا ہے کہ آئین کے آرٹیکل 62 ون ایف کے تحت جو صادق اور امین نہ ہو اسے آئین تاحیات نااہل قرار دیتا ہے، جب تک عدالتی ڈیکلریشن موجود ہے نااہلی رہے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔