پرویز اشرف کے بھائی عمران اشرف کے خلاف دھوکا دہی کا مقدمہ درج

صالح مغل  جمعـء 12 اپريل 2013
 عمران اشرف کے خلاف شہری سے مبینہ دھوکہ دہی کرنے پرمقدمہ نمبر165 دفعہ 406 کے تحت درج کرلیا ہے۔فوٹو: فائل

عمران اشرف کے خلاف شہری سے مبینہ دھوکہ دہی کرنے پرمقدمہ نمبر165 دفعہ 406 کے تحت درج کرلیا ہے۔فوٹو: فائل

اسلام آباد: تھانہ کینٹ پولیس نے سابق وزیراعظم راجا پرویزاشرف کے بھائی راجا عمران اشرف کے خلاف شہری سے مبینہ دھوکہ دہی کرنے پرمقدمہ نمبر165 دفعہ 406 کے تحت درج کرلیا ہے۔

پولیس کے مطابق مدعی میجرسردارخان نے پولیس کو بتایا کہ میں لبرٹی پلازہ لیاقت روڈپردکانوں کی خریداری کاسودا راجا عمران اشرف کے ساتھ 4کروڑ 80لاکھ روپے میں طے کیا جس میں 48 دکانیں دینے کامعاہدہ ہوا،مختلف اوقات میں ڈیڑھ کروڑ روپے سے زائدکی رقم ادا کی لیکن مذکورہ شخص اب معاہدہ سے پھر گیا اور رقم کی واپسی کے مطالبے پردھمکیاں دے رہاہے جس پرپولیس نے مقدمہ درج کرکے تفتیش شروع کردی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔