سپریم کورٹ نے ایس ای سی پی کے چیئرمین محمدعلی کی تقرری کالعدم قراردیدی

موجودہ چیئرمین کی تقرری قواعد وضوابط سے ہٹ کر کی گئی جس سے بنیادی حقوق کی عمل داری متاثر ہوئی، عدالت

ویب ڈیسک جمعـء 12 اپريل 2013

موجودہ چیئرمین کی تقرری قواعد وضوابط سے ہٹ کر کی گئی جس سے بنیادی حقوق کی عمل داری متاثر ہوئی، عدالت۔ فوٹو: فائل

اسلام آ باد: سپریم کورٹ نے سیکیورٹی اینڈ ایکسچینج کمیشن کے چیئرمین محمدعلی غلام کی تقرری کالعدم قراردے دی۔

جسٹس جوادایس خواجہ کی سربراہی میں قائم دورکنی بنچ نے ایس ای سی پی کے ایگزیکٹوڈائریکٹر کی درخواست کی سماعت کی، دوران سماعت عدالت نے اپنے فیصلے میں قراردیا کہ موجودہ چیئرمین کی تقرری قواعد وضوابط سے ہٹ کر کی گئی جس سے بنیادی حقوق کی عمل داری متاثر ہوئی، عدالت نے چیئرمین کی تقرری کودسمبر 2010 سے کالعدم قرار دیا اورکہا کہ حکومت میرٹ پرنئی تقرری کرے۔