بگ باس سیزن 12 کا نیا اور منفرد انداز

 ممبئی: بھارتی متنازع شو بگ باس کے نئے سیزن کے لئے آڈیشن کی تیاریاں شروع کردی گئی ہیں۔

مشہور ریئلٹی ٹی وی شو ’’بگ باس‘‘ کو بھارت میں کافی پذیرائی حاصل ہے جس کی واحد وجہ بالی ووڈ کے دبنگ سلمان خان کی میزبانی ہے جب کہ شو کی کامیابی کی وجہ بھی سلمان خان ہی سمجھے جاتے ہیں یہی وجہ ہے کہ یہ شو مداحوں میں بہت مقبول ہے اور اب شو کے چاہنے والوں کے لئے اچھی خبر یہ ہے کہ بگ باس سیزن 12 کے آڈیشن کے لئے عوام کو بھی شامل کرنے کا اعلان کردیا گیا ہے۔

#BiggBoss12 is coming soon and this time we're looking for jodis! So bring a partner along with you to the @BiggBoss house for twice the dhamaal! Auditions now open! #RisingStar2GrandFinale

— COLORS (@ColorsTV) April 15, 2018

بھارتی متنازع شو بگ باس سیزن 12 کے حوالے سے کلر ٹی وی کی جانب سے سماجی رابطے کی ویب سائٹ ٹوئٹر پر خوشخبری دیتے ہوئے کہنا تھا کہ بگ باس 12 بہت جلد آرہا ہے اور اس بار ہمیں جوڑی کی تلاش ہے (خواہ وہ جوڑی بہن بھائی،دوست یہ باس)ہی کیوں نہ ہو بگ باس ہاؤس میں آسکتے ہیں جس کے لئے آڈیشن جاری ہیں۔

واضح رہے کہ اس سے قبل بگ باس سیزن 11 میں سنسنی خیر مقابلے کے بعد شلپا شندے فاتح قرار پائی تھیں اب دیکھنا یہ ہے کہ سیزن 12 کتنی متنازع قصے کہانیاں اپنے ساتھ لیکر آتا ہے۔