اوورسیز پاکستانیوں کو ای ووٹنگ کی سہولت دینے کا کوئی فیصلہ نہیں کیا، الیکشن کمیشن

ویب ڈیسک  پير 16 اپريل 2018
الیکشن کمیشن نے اس ضمن میں سوشل میڈیا پر چلنے والی خبروں کو بے بنیاد قرار دے دیا (فوٹو: فائل)

الیکشن کمیشن نے اس ضمن میں سوشل میڈیا پر چلنے والی خبروں کو بے بنیاد قرار دے دیا (فوٹو: فائل)

 اسلام آباد: الیکشن کمیشن نے اوورسیز پاکستانیوں کو ای ووٹنگ کی سہولت دینے کے حوالے سے خبروں کی تردید کردی اور کہا ہے کہ ای ووٹنگ کی سہولت دینے کا کوئی فیصلہ نہیں کیا گیا۔

ایکسپریس نیوز کے مطابق الیکشن کمیشن نے اپنے بیان میں کہا ہے کہ سمندر پار پاکستانیوں کو انتخابات میں ووٹ ڈالنے کے لیے ای ووٹنگ کی سہولت دینے کے حوالے سے سوشل میڈیا پر چلنے والی خبریں بے بنیاد ہیں ان میں کوئی صداقت نہیں۔

الیکشن کمیشن نے کہا ہے کہ اوورسیز پاکستانیوں کو ووٹ ڈالنے کی سہولت کا معاملہ کافی عرصے سے زیر غور ہے، سمندر پار پاکستانیوں کو ای ووٹنگ کی سہولت کے لیے کئی پائلٹ پراجیکٹ ہونے ہیں تاہم قانون اس مرحلے پر کسی بھی انتخاب میں ای ووٹنگ کی اجازت نہیں دیتا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔