سندھ حکومت نئے مالی سال کا بجٹ 5 مئی کو پیش کرے گی

 کراچی: سندھ حکومت نے بجٹ آئندہ ماہ 5مئی کو پیش کرنے کا فیصلہ کیا ہے۔

محکمہ خزانہ سندھ کی جانب سے جاری حکم نامے کے مطابق حکومت نئے مالی سال 2018-19 کا بجٹ پیش کرے گی۔ نئے سال کا میزانیہ وزیراعلیٰ مراد علی شاہ پیش کریں گے جن کے پاس محکمہ خزانہ کا قلمدان بھی ہے، اس ضمن میں سندھ اسمبلی کا اجلاس بھی 5مئی کو بلانے کا فیصلہ کیا گیا ہے۔

بجٹ اجلاس سے قبل وزیراعلیٰ سندھ کی صدارت میں صوبائی کابینہ کا اجلاس ہوگا جس میں نئے مالی سال کے بجٹ کی منظوری لی جائے گی۔