فواد عالم کو نظر انداز کرنے پر انضمام سوشل میڈیا پر مذاق کا نشانہ بن گئے

لاہور: فواد عالم کو نظر انداز کرنے پر چیف سلیکٹر انضمام الحق سوشل میڈیا پر مذاق کا نشانہ بن گئے۔

دورہ انگلینڈ سے نظر انداز کئے جانے والے فواد عالم سوشل میڈیا پر موضوع  بحث بنے ہوئے ہیں اور صارفین دل کھول کر چیف سلیکٹر انضمام الحق کے خلاف بھڑاس نکال رہے ہیں۔

Imam ul Haq In For Ireland Tour Fawad Alam Is Out Because#JusticeForFawad pic.twitter.com/zStY5WjJAA

— Sheryarahmed (@sheryar3951112) April 15, 2018

ایک صارف نے انضمام کے ہاتھوں میں پلے کارڈ تھامے ایڈیٹ کی ہوئی تصویر لگائی جس پر لکھا تھا ”میرا بھتیجا میری مرضی“ جب کہ دوسرے پلے کارڈ پر لکھا تھا، ”اپنا فواد خود سلیکٹ کرو۔“ دوسرے کا کہنا تھا کہ ”فواد کو انصاف دو۔“

ایک صارف نے لکھا ”ڈومیسٹک کرکٹ ایک فضول مشق ہے، چیف سلیکٹر کسی کو موقع ہی نہ دیں تو جان مارنے کا فائدہ کیا ہے“

ایک نے فواد عالم کی تصویر شیئر کرتے ہوئے لکھا کہ کچھ لوگوں کی کبھی سنی نہیں جاتی، ایک نے لکھا” بھتیجا یس، فواد نو، گو انضمام گو“