بنگلہ دیش میں کرکٹرز کے فٹبال کھیلنے پر پابندی کا مطالبہ ہونے لگا

اسپورٹس ڈیسک  بدھ 18 اپريل 2018
بنگلا دیش کے کئی کرکٹرز فٹبال کھیلتے ہوئے انجری کا شکار ہوچکے ہیں فوٹو: فائل

بنگلا دیش کے کئی کرکٹرز فٹبال کھیلتے ہوئے انجری کا شکار ہوچکے ہیں فوٹو: فائل

ڈھاکا:  بنگلہ دیش میں کرکٹرز کے فٹبال کھیلنے پر پابندی کا مطالبہ سامنے آگیا۔اس کی وجہ بہت سے کھلاڑیوں کا انجرڈ ہونا ہے۔ 

چیف سلیکٹر منہاج العابدین نے کہا کہ کرکٹرز کے فٹبال کھیلنے پر پابندی ہونی چاہیے کیونکہ اسی وجہ سے ہمارے کئی کھلاڑی انجرڈ ہوئے ہیں، ٹیم مینجمنٹ کو اس مسئلے پر دھیان دینا چاہیے۔

یاد رہے کہ وکٹ کیپر بیٹسمین مشفیق الرحیم فرسٹ کلاس ایونٹ کے دوران وارم اپ سیشن میں فٹبال کھیلتے ہوئے ٹخنے کی انجری میں مبتلا ہوگئے تھے، اس سے پہلے ناصر حسین بھی فٹبال میچ کے دوران ہی گھٹنے کی انجری کا شکار ہوئے جس کی وجہ سے انھیں اب سرجری کے عمل سے گزرنا پڑرہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔