ماہرہ خان کی ’’سات دن محبت ان‘‘ کا ٹیزر جاری

ویب ڈیسک  بدھ 18 اپريل 2018
فلم کے ٹیزر میں ماہرہ خان کافی موج اور مستی کے موڈ میں نظر آرہی ہیں فوٹو : فائل

فلم کے ٹیزر میں ماہرہ خان کافی موج اور مستی کے موڈ میں نظر آرہی ہیں فوٹو : فائل

 کراچی: ماہرہ خان اور شہریار منور کی نئی فلم ’’سات دن محبت ان‘‘ کا پہلا ٹیزر جاری کردیا گیا ہے۔

پاکستان کی خوبرو اور دلکش اداکارہ ماہرہ خان ایک بار پھر مداحوں پر اپنی اداکاری کے جلوے بکھیرنے کے لیے تیار ہیں، ماہرہ خان اور شہریار منور کی نئی رومانوی کامیڈی فلم ’’سات دن محبت ان‘‘ کا پہلا ٹیزر جاری کردیا گیا ہے۔

اس خبر کو بھی پڑھیں : ماہرہ خان کی میک اپ آرٹسٹ کے ہمراہ ویڈیو وائرل

فلم کے ٹیزر میں ماہرہ خان کافی موج اور مستی کے موڈ میں نظر آرہی ہیں جس سے اندازہ ہوتا ہے کہ فلم میں ماہرہ خان کامیڈی کرتی نظر آئیں گی جب کہ فلم میں ماہرہ خان کے مد مقابل ہیرو شہریار منور کا کردار ایک عام سے آدمی کا دکھایا گیا ہے جو الجھن کا شکار ہے۔ اس کے علاوہ فلم کے ٹیزر میں آئٹم سانگ کی جھلک بھی ہے تاہم یہ آئٹم سانگ کونسی اداکارہ کررہی ہیں اس حوالے سے فلم کی ریلیز کے بعد ہی پتہ چلے گا۔

فلم مداحوں کو کتنی پسند آئیگی اور اس میں ماہرہ خان اور شہریار منور کا کردار لوگوں کو کس حد تک متوجہ کرنے میں کامیاب ہوگا یہ تو فلم کی ریلیز کے بعد ہی پتہ چلے گا۔ فلم ’’سات دن محبت ان‘‘ کی دیگر کاسٹ میں معروف اداکار جاوید شیخ، حنا دل پذیر، ماڈل آمنہ الیاس اور اداکارہ میرا سیٹھی شامل ہیں جب کہ فلم اس سال عیدالفطر پر ریلیز کی جائی گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔