کیا کترینہ کیف سلمان خان کے ساتھ بگ باس12 کی میزبانی کریں گی

کترینہ کی جانب سے بگ باس12 کی میزبانی کی خبروں کی تردید یا تصدیق نہیں کی گئی

ویب ڈیسک April 19, 2018

سلمان اور کترینہ ایک ساتھ متعدد فلموں میں اداکاری کرچکے ہیں؛ فوٹوفائل

بھارتی میڈیا میں افواہیں گردش کررہی ہیں کہ کترینہ کیف سلمان خان کے ساتھ بگ باس 12 کی میزبانی کرتی نظر آئیں گی۔

بھارتی ٹی وی کے نمبر ون شو بگ باس کا انتظار لوگوں کو شدت سے رہتا ہے، شو کے اب تک 11 سیزن نشر ہوچکے ہیں اور ہر نیا سیزن مقبولیت میں پچھلے تمام سیزن کے ریکارڈ توڑدیتا ہےلہٰذا شو کی انتظامیہ ہر سیزن کو پچھلے سیزن سے منفرد اور زیادہ کامیاب بنانے کیلئے سر توڑ کوشش اور محنت کرتی ہے اور اس بار میڈیا میں افواہیں گردش کررہی ہیں کہ بگ باس 12 کی میزبانی سلومیاں کے ساتھ بالی ووڈ کی باربی ڈول کترینہ کیف بھی کرتی نظر آئیں گی۔

اس خبرکوبھی پڑھیں: سلمان روتی ہوئی کترینہ کے چہرے پر مسکراہٹ لے آئے

کترینہ اور سلمان کی جوڑی کا شمار بالی ووڈ کی مقبول ترین جوڑیوں میں ہوتا ہے جب کہ دونوں ایک ساتھ اسکرین پر بہت اچھے لگتے ہیں یہی وجہ ہے کہ بگ باس12 کی میزبانی کے لئے سلمان کے ساتھ کترینہ کانام لیا جارہا ہے، رپورٹس کے مطابق کترینہ واحد اداکارہ ہیں جو سلمان کے ساتھ مزاحیہ انداز میں بگ باس میں میزبانی کرسکیں گی۔ تاہم ابھی تک کترینہ یا شو انتظامیہ کی جانب سے اس خبر کی باقاعدہ تصدیق نہیں کی گئی ہے۔

واضح رہے کہ سلمان اور کترینہ ایک ساتھ متعدد فلموں میں اداکاری کرچکے ہیں جن میں ''ٹائیگر زندہ ہے''، ''ایک تھاٹائیگر''اور ''میں نے پیار کیوں کیا''وغیرہ شامل ہیں۔