وطن واپسی سے متعلق کل پتہ چل جائے گا، نوازشریف

لندن: سابق وزیراعظم نوازشریف کا کہنا ہے کہ میں اہلیہ کی عیادت کے لئے لندن آیا ہوں واپسی کب تک ہوگی کل پتہ چل جائے گا۔

ایکسپریس نیوز کے مطابق بیگم کلثوم نواز کی طبیعت مزید ناساز ہونے کے بعد سابق وزیراعظم نوازشریف اور ان کی صاحبزادی مریم نواز لندن پہنچ گئے ہیں۔ لندن پہنچنے پر میڈیا سے غیررسمی گفتگو کرتے ہوئے نوازشریف کا کہنا تھا کہ میں سیاسی گفتگو نہیں کروں گا اپنی اہلیہ کی عیادت کے لئے لندن آیا ہوں اور یہاں تک قیام کروں گا اس حوالے سے بھی کل ہی پتہ چلے گا۔

Meeting Ami after 5 months. 5 long months….. She looks very weak & pale. May Allah bless her & all mothers with perfect health. pic.twitter.com/UsVK3iHOX5

— Maryam Nawaz Sharif (@MaryamNSharif) April 18, 2018

دوسری جانب نوازشریف کی صاحبزادی مریم نواز نے سماجی رابطے کی ویب سائٹ ٹویٹر پر اظہارخیال کرتے ہوئے کہا ہے کہ 5 ماہ کے طویل عرصے بعد اپنی والدہ سے ملاقات ہوئی، وہ بہت کمزور اوران کا رنگ پیلا پڑ گیا ہے۔ اللہ تعالیٰ میری والدہ سمیت تمام ماؤں کو صحت عطا فرمائے۔ مریم نواز نے ملاقات کی تصویریں بھی ٹویٹر پر پوسٹ کی ہیں۔