پلاسٹک کنٹینر میں پھنسا کچھوا برسوں بعد بھی گہرے پانی میں زندہ

پلاسٹک کی وجہ سے کچھوے کی جلد بری طرح متاثر ہوچکی تھی

ویب ڈیسک April 22, 2018

غوطہ خوروں نے کچھوے کو ریسکیو کیا،فوٹو:اسکرین گریب

کئی برس سے پلاسٹک کے کنٹینر میں پھنسا کچھوا سمندر کے گہرے پانی میں زندہ تیرتا رہا۔

بین الاقوامی ذرائع ابلاغ میں رپورٹ ہونے والی ایک ویڈیو میں دیکھا جاسکتا ہے کہ غوطہ خور مشکل میں پھنسے ایک کچھوے کی مدد کررہے ہیں۔ غوطہ خوروں نے بتایا کہ وہ گہرے پانی میں تیر رہے تھے کہ اس دوران انہوں نے ایک کچھوے کو دیکھا جس کا دھڑ پلاسٹک کے کنٹینر میں پھنسا تھا جس کی وجہ سے وہ ٹھیک سے تیر نہیں پا رہا تھا۔

یہ بھی پڑھیں: سیکڑوں سکے کھانے والا کچھوا مر گیا

غوطہ خوروں نے کچھوے کو پانی سے نکال کر کشتی میں رکھا اور چاقو کی مدد سے پلاسٹک کنٹینر کاٹ کر کچھوے کو اس مصیبت سے آزاد کرایا، پلاسٹک کی وجہ سے کچھوے کی جلد بری طرح متاثر ہوچکی تھی،برسوں سے پلاسٹک کنٹینر میں پھنسے رہنے کے باعث کچھوے کی جلد اپنی اصلی حالت میں نہیں رہی تھی۔

غوطہ خوروں کا کہنا ہے کہ بظاہر لگتا ہے کہ کچھوا کافی عرصے سے اس پلاسٹک کنٹینر میں پھنسا تھا اور حیران کن طور پر وہ گہرے پانی میں اس مشکل کے باوجود زندہ تھا۔